أحمد سعد بعد سرقته: فلوسي راحت وهبدأ صفحة جديدة
تحدث الفنان أحمد سعد عن حادث سرقته عقب إحيائه لحفل زفاف نجل بسمة وهبة في إيطاليا خلال الأيام القليلة الماضية.
قال "سعد" خلال لقائه مع "ET بالعربي": "المكاسب من عند الله الخساير ولا حاجة من النعم لكن في حاجات بتزعل زي أول ساعة اشترتها في حياتي".
نرشح لك: عُقد وساعات باهظة.. سرقة أحمد سعد
أضاف: "ساعاتي وألماظي وكل الحاجات اللي اشترتها وكانت ذو قيمة مادية أو معنوية اتسرقت كلها.. فلوسي اللي فاتت راحت أنا لسه ببتدي صفحة جديدة.. الناس قعدة تقول أحمد لابس الشبكة أهي راحت الشبكة، بنبص لبعضنا ليه إحنا شقيانين".
وكما علق "سعد" على عودته لطليقته علياء بسيوني قائلا: "مهما كان الناس بينهم خناقات أو مشاكل أو ناس غلطت في نرفزة، ليه منديش بعض فرصة جديدة! ونبص لبعض بشكل مختلف، إحنا بينا عيال، حتى العيال دي تحس إننا عملنا كل اللي علينا".
أشار: "إحنا كان كان عندنا فكر إننا ندي نفسنا فرصة، أو نبص على بعض بعين تانية، ونتقبل المشاكل وحياة بعض.. أنا رجعت لها عشان عارف أن الحياة بيها أحسن وهي كمان عارفة أن الحياة بيا أحسن".
