تفاصيل مفاوضات الزمالك مع راموس

كشف عمر زعلوك، وكيل اللاعبين عن تفاصيل مفاوضات الزمالك مع سيرجي راموس، لاعب ريال مدريد السابق.

قال "زعلوك" في مداخلة هاتفية مع برنامج "ملعب ON" الذي يقدمه الإعلامي إبراهيم عبد الجواد على شاشة ON TIME SPORTS: "علي هشام نصر ماسك التسويق في النادي وقالي إيه رأيك نكلم سيرجي راموس، تعرف تكلمه؟ قولتله أكيد وكلمت أخو راموس وهو وكيله وظبطنا كل حاجة وعملنا كذا ميتيج".

تابع: "راموس معندوش مشكلة إنه يلعب في مصر ولحد دلوقتي الموضوع ماتقفلش خالص هو بس متوقف مؤقتا لحد بعد السوبر".

استكمل: "الزمالك قدم عرض وهو كان طالب فلوس أكتر فلسه موصلناش للرقم اللي يرضي الطرفين، والفرق مش كبير وبسيط جدا والموضوع مش بعيد خالص وممكن يتم بنسبة 50-50، فيه ناس من برة نادي الزمالك ممكن يتكفلوا بالصفقة مش متأكد".