أحمد فهمي: أكرم حسني كريم جدا
تحدث الفنان أحمد فهمي، عن صديقه الفنان أكرم حسني، مشيرا إلى أنه يسافر معهم الرحلات بكل شيء من الممكن أن يحتاجه.
قال "فهمي" خلال لقائه ببودكاست "فايق ورايق" مع الإعلامي إبراهيم فايق: "أكرم حسني بيسافر معانا نويبع، بحاجته كلها، فالعربية الكبيرة اللي بنأجرها دي بقت ضيقة جدا لأنه بيسافر بلحاف ومخدات، ومكتبة يعلق عليها حاجاته، وأباجورات، هو بيحب يتبسط، بيجيب معاه بروجيكتر كل الناس اللي في الكامب بتروح تتفرج عليه ومسمينها (قهوة أكرم)".
أكد على أنه كريم جدا خلال السفر فخلال الطريق عندما قرروا أن يقوموا بشراء طعام فقام بشراء عدد كبير من "الساندوتشات" مردفا: "قلنا هناكل فول وطعمية فالراجل بيسألنا يجيب كام فأكرم قال هات أربعينات قلتله يعني إيه ده كده الراجل هيعتزل الفول، إحنا 4 وأكيد معندوش 160 ساندوتش، كان معانا فول وبيض كتير أوي".
أكمل: "وقلنا عايزين حاجات من السوبر ماركت أكرم نزل وخرج من السوبر ماركت مش معاه حاجة بنبص لقينا كل موظفين السوبر ماركت خارجين بهوهوز وتوينكز والسوبر ماركت خلص، فبقينا قاعدين مش شايفين بعض من الكاراتين المحطوطة".