أسباب معاناة الأطفال من الكوابيس
كشفت دكتورة صفاء محمود، أستاذ الطب النفسي بجامعة الأزهر، عن أسباب معاناة الأطفال من الكوابيس.
أوضحت "محمود" في برنامج "صباح الخير يا مصر" المذاع على القناة الأولى المصرية، أن البعض يرى أن الأطفال بهم براءة وليس عليهم أي ضغوط أو مسئولية.
تابعت: "الطفل عنده ضغوطه اللي تخصه، زي لعبة عايزها وأنتوا مش عايزين تجيبوها، ووقت البلايستيشن اللي أنتوا حارمينه منه أو مقللينه، والدراسة اللي هو المفروض يعملها والواجب اللي هيتقدم، ومشاكل بابا وماما في البيت واللي موتراه جدا، بيتخانقوا في البيت معظم الوقت. مش شايفين إن ده بيأثر على نفسية ولادنا".
نرشح لك: بعد فوزها بالإيمي… رسالة كندة علوش للصحفية الفلسطينية بيسان عودة
استكملت: "الأطفال بتضغط جدا بالظروف اللي حواليها، فلو الأب أو الأم مضغوطين ومابيتكلموش، مشاعرهم السلبية بتوصل للطفل من غير ما يحتاجوا إن هما يعبروا".
أشارت إلى أن الكوابيس هي نوع من أنواع الأحلام يحدث نتيجة وجود ضغوط على الطفل، قد يكون بسبب شجار مع صديقه أو مشاهدة فيلم رعب أو مشاهد رعب في أفلام الكارتون أو ممارسة لعبة عنيفة ومشاهدة مناظر مزعجة.