شاهد.. مصطفى حسني يمتنع عن الإجابة ويطلب اللجوء للإفتاء
امتنع الداعية الإسلامي مصطفى حسني عن الإجابة على سؤال إحدى متابعاته، والتي تقوله فيه: "إذا قررت الطلاق ومستحيل أرجع لجوزي، وفي مشاعر كره وغضب مش بتخف ومش طايقة أشوفه، هل يلزمني أقضي العدة في بيته؟ والشيء ده مؤذي و3 أشهر فترة طويلة، وهل لو ذهبت بيت أهلي، سيحاسبني الله لإني عصيت أمره؟".
قال "حسني" خلال فيديو نشره عبر حسابه الرسمي على موقع تبادل الصور والفيديوهات "إنستجرام": "أنا مش قد السؤال ده"، مستشهدا بقوله تعالى: "يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَبَّكُمْ لا تُخْرِجُوهُنَّ مِن بُيُوتِهِنَّ وَلا يَخْرُجْنَ".
نرشح لك: نصيحة مصطفى حسني لمن يشعر بالخمول في العبادة
تابع: "الأسهل وأنا قاعد في بيتي أقولك ما تخرجيش، لكن هستأذنك تروحي دار الإفتاء المصرية بنفسك وتقعدي مع عالم هناك وتسأليه في ذلك الحكم".
أشار: "أجمل حاجة في الدنيا أنك تاخدي جوزك أو طليقك وتستشيروا عالم وتقعدوا معاه وتشوفوا إيه الأنسب وتعملوا إيه.. وهو يقولكم حُكم ربنا سبحانه وتعالى اللي يقربكم أو يهدي المشاكل اللي بينكم أو يفك النزاع".
اختتم: "أنا أُفضل في الحاجات اللي فيها علاقات، يكون في بني آدم شايفكم وبيتكلم معاكم أنتم الاتنين".