خالد الجندي عن واقعة سحر مؤمن زكريا: شغلانة عصابات

كشف الشيخ خالد الجندي، عضو المجلس الأعلى للشئون الإسلامية، أن من يؤمن بوجود السحر بعد النبي ـ صلى الله عليه وسلم ـ يعرض نفسه للوقوع في الشرك بالله.

علق "الجندي"، في برنامجه "لعلهم يفقهون" في حلقة اليوم الثلاثاء، والذي يبث عبر قناة "dmc"، على اختلاق واقعة غير حقيقية عن إيجاد سحر للاعب الأهلي السابق مؤمن زكريا، وقال: "لاعب كرة أو مشهور مرض، ربنا يشفيه ويعافيه، ولكن المأجورين والمتنفعين، ميسيبوش العملية تعدي كده، من خلال استغلال حب الناس ليه ويقولوا معموله سحر، ويطلع تربي يقول اصل أنا لقيت سحر مدفون ليه، شغلانة عصابات، واللي يصعب عليك اللي خايفين إن الجن يلبسهم، أو اللي لسه بيؤمنوا بوجود سحر بعد النبي".

وأشار الشيخ خالد، قائلا: "لما شيخ يقولك أنا اتعملي سحر بوقف الحال، وغيره يقولك أصل السحر يميت ودي كارثة، يا أخي وإن يمسسك الله بضر فلا كاشف له إلا هو، وحد يقولك بيعمل بلاء، ويعتمدوا على كتب وراثية ليس لها دليل علمي، مستشهدين بالآية الـ 23 من سورة البقرة في قول الله تعالى "وما هم بضارين به من أحد إلا بأذن الله"، يقولك ما هو في ضرر ولكن كده أنت فاهم الآية غلط".

أكد: "لما نقول (وما هم بضارين به من أحد) ده استثناء منقطع، يعني السحر مبيضرش حد، ولكن لو حصل ضرر من ربنا فمحدش يقدر يقف قصاد أمر الله سبحانه وتعالى، يبقى بإذن الله لو أراد أن يضر العبد مش السحر، والناس تشيل الكلمة من الله وتنسبها للجن".

أضاف "الجندي": "هذا الكلام بيؤدي لانتعاش الدجالين والنصابين، وفقدان الثقة بالعلم، وانتشار الوقيعة بين الناس، والعدواة والكراهية والانتقام، وشدد على أهمية مشكلة المقصر والجاني في إفلاتهم من العقاب، من خلال سرقة شيء واستغلال قول (ده معموله عمل) يعني الجن هو اللي سرق، وده في إهانة للقرآن وبيرجع الوثنية تاني ومنها، الكف والخرزة الزرقاء والخمسة وخميسة، ويشوش على العدالة".