منى جبر عن قرار اعتزالها: مش همثل تاني حتى لو دور للأوسكار
قالت الفنانة المعتزلة منى جبر، إنها لن تعود للتمثيل مرة أخرى بعد قرار اعتزالها، موضحا أنها تعيش حياة هادئة مع عائلتها.
تابعت "جبر" خلال مداخلة هاتفية في برنامج "القاهرة اليوم"، المذاع عبر شاشة ألفا ويقدمه الإعلامي إدوارد والإعلامية نانسي مجدي: "فيه المجال الفني بتجيلك لحظة بتحس إنك مش هتقدر تدي أكتر من اللي أنت اديته وخدت قرار الاعتزال ومن يوم القرار ده مفكرتش أرجع".
أضافت: "موحشنيش الكاميرا ولا الفن ولا التمثيل الجمهور أكيد هيقدر إني إنسان له حياته وقاعد في بيته مع ولاده، الفن ممكن يكون في أي حاجة الكلمة الطيبة أو الاطلاع على الحياة أو التعامل مع الناس، عشت حياتي اللي معشتهاش بعد الفن، لأنه بيخطف العمر..ومش همثل لو هاخد الأوسكار وحتى لو هاخد مال الدنيا".
كما تحدثت "جبر" عن فنانين الجيل الحالي قائلة: "بحب الممثلين الصغيرين كلهم لأني بحس أنهم مجتهدين جدا وبينحتوا في الصخر إحنا كانت فرصنا أكتر لأننا أقل بكتير دلوقتي لو فتحت الحنفية هتنزل ممثلين، الممثل ممكن يعجبني في دور وممكن معجبنيش في دور تاني".