محمود سعد ينفي شائعة ضربه لـ نانسي عجرم بسبب إهانتها للدين
قال الإعلامي محمود سعد، إنه على مدار سنوات طويلة ترددت شائعة حول ضربه للفنانة نانسي عجرم، بعدما انفعل عليها بسبب إساءتها للدين الإسلامي، نافيًا تلك الشائعة جملة وتفصيلًا.
وتقول الشائعة المذكورة، إن الإعلامي محمود سعد ضربها بكوب زجاجي وطردها من استوديو "البيت بيتي" بعدما أساءت إلى الدين الإسلامي.
وتعليقًا على هذه الشائعة قال "سعد": "إشاعة غريبة جدا معرفش مين طلعها وبتزيد. أول لما سمعتها قلتلهم حد يقدر يضرب نانسي أو يبصلها الست الجميلة دي؟، وكان عمري ما شوفت نانسي قبلها وقررت أعمل معاها حلقة في "البيت بيتك" وكانت ست لطيفة جدا".
أضاف: "هي كانت ولازالت أجمل وجه بيغني على الساحة وفي ناس كانت متضايقة منها بسبب "أخاصمك أه" وكنت أنا كمان ضد الأغنية بس معملتش الدور البطولي اللي بيقوله عليه ده، حولوني بطل عشان بدافع عن الدين وده محصلش لا منها ولا مني".
أردف: "قابلتها وكانت ست جميلة وعملنا حلقة جميلة ننفي بيها ومفيش فايدة الحكاية تزيد وبطولاتي تزيد، والشائعة دي عملتلي شعبية عند الناس، ومكنتش عارف ايه اللي وصل الحكاية دي لجوة الريف والصعيد مين اللي وزع الإشاعة دي؟".
استرسل: "اكتشفت ان اللي بيوزعوا المياه الغازية والسجاير بيدخلوا في كل حتة في مصر يحكي الحكاية ويمشي، فانتشرت في الدنيا كلها وبقيت بطل وعملت حاجة عظيمة وأنا معملتش حاجة ولا هي عملت حاجة خالص.
محمود سعد ينفي شائعة ضربه لـ نانسي عجرم بسبب إهانتها للدين