عادل حمودة عن ضعف التصويت: الشباب بتلعب بلاي ستيشن - E3lam.Com
قال الكاتب الصحفي، عادل حمودة، إن نسبة التصويت في انتخابات البرلمان، كانت أقل من المتوقع، حيث أدلى 624 ألف ناخب بصوته في اليوم الأول للانتخابات، مشيراً إلى أن أغلبية المرشحين مجهولين لدى أغلب الناخبين.
واستكمل حمودة، خلال حلقة مساء اليوم من برنامج “النهاردة”، المذاع على قناة النهار : “زمان غالبية المرشحين مكانوش معروفين، كانوا من الحزب الوطني الحاكم، والناس كانت بتختار لإنه حزب الحكومة، اللي يقدر يجيب لنا خدمات، حتى لو كان المجهول، فالحزب معروف”.
وأضاف حمودة: “طبعاً لوحظ أيضاً إن اليوم هادي جداً، وحسب خطة الإخوان والسلفيين، إنهم بإستمرار يشوفوا عمليات الإقبال، وغالبًا سيكون هناك حشد كبير للسلفيين والإخوان خصوصاً في الساعات الآخيرة”.
وقال حمودة : “النهاردة الحزب الوطني في إسكندرية ومحافظات كتير تانية، بدء بورصة شراء الأصوات، الصوت بـ 200 جنيه الصبح، وعلى بكرة الظهر ممكن يوصل 500 جنيه، والإقبال كان من كبار السن والنساء، أما الشباب كانوا بيلعبوا بلاي ستيشن”.
واستكمل حمودة : “في خوف من إن البرلمان يدخل في نزاع مع الرئيس، وعايز أقولكم إن الإنتخابات بتكلفة 2 مليار جنيه، والحكومة سالفة الرقم ده، يعني إنتخابات الدين”.