هل ندم على الحديث عن والده؟ محمود سعد يوضح
كشف الإعلامي محمود سعد موقفه من الحديث عن علاقته بوالده الراحل، موضحا على شعر بالندم بعد الهجوم عليه بسببها أم لا.
قال "سعد" عبر حسابه الشخصي على موقع تبادل الصور والفيديوهات إنستجرام: "لا والله، أنا عملت ده مش بغرض إن أنا استعطف حد ولا حاجة، أنا راجل عجوز دلوقتي مش عايز حنان أب ولا حاجة خلاص وقولت بدل المرة ألف مرة أنا مش غضبان من أبويا بس عندي سؤال مالوش إجابة".
نرشح لك: الخميس.. نهى عابدين وإبراهيم الكرداني في "معكم منى الشاذلي"
أضاف: "وبحكي ده علشان شايف نسب طلاق عالية جدا وشايف معاملة من الآباء لأولادهم بعد الطلاق بيبقى فيها قسوة شوية، الولاد مالهمش ذنب خالص، فأنا حكيت بالغرض ده".
تابع: 'إنما الناس اللي هاجموا على عيني وراسي عندهم حق، واحد بيقول إن أبوه أذاه وحرمه من حاجات كتير وخلاه عنده جهل بمشاعر الأبوة، تزعلوا من الكلام، أنا محترم ده جدا، اللي زعل على عيني وراسي واللي استفاد على عيني وراسي، أنا مش بعمل كده علشان أرضي حد، أنا بعمل علشان حاسس إن ده ممكن يكون مفيد لحد".
أردف: "فيه حاجات في الحياة مفيش مانع أبدا إن إحنا نختلف، كل واحد بيشوف الحاجات من زواياه الخاصة، أنا قولت عيب إن أنا أقول سامحت أبويا لأن أبوك أعلى من إن أنت تسامحه، أبويا في ذمة الله وبدعيله، لكن في سؤال بيطاردني، ليه واحد يتجوز واحدة ويخلف 3,4 عيال وبعدين انفصل عنها، من حقه".
اختتم: "إنما الواد بقى اللي في النص ده يروح فين؟ يروح مع أمه كويس، طيب مين يصرف عليه؟ يقولها اصرفي أنتي عليها ويروح هو يتجوز.. دي حاجة لازم تتصلح في المجتمع".