محمد هنيدي: ابتسامة الكوميديان خلفها حزن

قال الفنان محمد هنيدي، إن ابتسامة الممثل الكوميدي خلفها حزن، مؤكدا أن الممثل الكوميدي يختلف عن أي ممثل آخر وله حس مرهف.

تابع "هنيدي" خلال لقائه مع الإعلامي الإماراتي أنس بوخش في برنامج "ABtalks": "ابتسامة الكوميديان خلفها حزن، الفنان بشكل ربنا خلق فيه احاسيس مرهفة شوية أي فنان بشكل عام بيحس بطريقة معينة".

نرشح لك: إيمان العاصي تكشف حقيقة ارتباطها بشخص من الوسط الفني

أشار: "الكوميديان بالتحديد أكتر، ومينفعش يكون كوميديان ميبقاش حنين أو يبقى بخيل أو يضرب الناس لا هو يتضرب، لازم المشاهد يتعاطف معاه عشان كده لو خد الناس في موضوع وعيط الناس تعيط معاه ويصعب عليهم على طول لأنه إلى حد ما منهم أوي لأنه له علاقة مباشرة مع الناس".

أوضح: "والكوميديان الحقيقي عنده حاجة مختلفة عن الباقيين دي ليس له دخل بيها تماما دي من رب العالمين، وهو بيستخدمها كويس، لازم يكون طيب ولما يجي سيناريو شرير لازم تطهر الشخصية في الآخر".