شيرين للجمهور: لن أتوقف عن الغناء
قالت الفنانة شيرين عبد الوهاب، إن الله سبحانه وتعالى ساندها كثيرا خلال طرح ألبومها الأخير.
أضافت شيرين خلال بث مباشر عبر منصة "تيك توك": "لما حسيت إن الدنيا اسودت وفي اتفاق كبير إني منزلش أغاني، ونيتي كانت إن ربنا يساعدني وأنتوا، والحمد لله ربنا كرمني كرم أكبر من اللي استاهله بيكوا، وساعدتوني جدا".
نرشح لك: شيرين تحسم الجدل بشأن لقب "صوت مصر"
كما طمأنت شيرين جمهورها، بأنها لن تتوقف عن الغناء خلال الفترة المقبلة. مشيرة إلى أنها تستعد لطرح مشروعات غنائية أخرى.
تابعت: "أكيد إحنا مش هنقف الشغل مكمل، متقلقوش خالص.. عندنا حاجة حلوة للشتاء، فإحنا مش هنتوقف لحد رمضان، والحفلات الجاية هتكون في كل البلاد بداية من مصر وبعدين السعودية، وعندنا الحفلات في الكويت ودبي، والوطن العربي كله، كل البلاد هروحها.. أنتوا كنتوا شركا معايا في النجاح ده وساندتوني".
أوضحت أنها تحتاج إلى إجازة فقط بعد الألبوم. مردفة: "بعد ما عملت الألبوم الجامد ده محتاجة إجازة عشان أنا كمان أتدلع".