علي ربيع: لو الناس بطلت تنبسط من فني هعتزل
قال الفنان علي ربيع إنه بدأ التمثيل في مرحلة التعليم الجامعي، وما شجعه على الاستمرار فيه هو رد فعل الجمهور على ما يقدمه، وليس لأنه يرى نفسه فنانًا.
استطرد "ربيع" حديثه خلال حواره مع الإعلامي إبراهيم فايق في بودكاست "فايق ورايق" المذاع على "اليوتيوب" قائلًا: ""فترة الجامعة كنت بمثل بسبب حب الناس ليا مش من حبي أنا للتمثيل. وما زلت بمثل عشان الإحساس ده إحساس إن الناس فرحانة وبتسقفلي مش عشان أنا شايف نفسي كده".
وأوضح الفنان أنه سيعتزل الفن إذا استشعر عدم سعادة الجمهور ورضاه عما يقدمه، حيث قال: "هوقف شغل لو حسيت للحظة إن الناس بقت مش مبسوطة من اللي بقدمه".
أضاف علي ربيع أنه كان في بداية الأمر لا يمثل، بل كان يلقي إيفيهات ويُضحكهم بطريقة جلسة الأصدقاء على مقهى، فتعرض لموقف تعلم منه أن التمثيل ليس بتلك التلقائية.
أردف: "عملت مشهد الناس ضحكت جدا، تاني يوم الناس مضحكتش، وكان في مخرج كبير اسمه حسين محمود قالي عارف ليه ده حصل؟ قلتله لأ، قالي عشان أنت مش عارف بتضحك الناس إزاي، لازم تعرف إن في فرق بين الضحك على القهوة وعلى المسرح".
أشار إلى أن المخرج حسين محمود علمه الكثير وطرق التمثيل وإضحاك الناس، فبدأ في التعلم وبدأ يتقن أدواره على المسرح.
