إلهام شاهين تكشف سبب رشاقتها وتحذر!
كشفت الفنانة إلهام شاهين عن سبب رشاقتها وفقدانها الوزن، موجهة تحذير ونصيحة للجمهور.
قالت "شاهين" في لقاء مع سينماتك: "الحقن.. بس حقن مابنصحش حد ياخدها، بتجيب نتيجة قوية جدا لكن بتتعب صحيا، أنا ضعفت صحيا مش بس ضعفت حجما".
تابعت: "هي لازم تتاخد لفترة صغيرة مش كبيرة لكن أنا بقالي كتير باخدها فعلشان كده ضعفت".
نرشح لك: الليلة.. "ليزا" طفلة هند والدكتور نعمان في معكم منى الشاذلي
استكملت: "لازم تتاخد بشكل صح ومع دكتور مش حد ياخدها من دماغه، لأن فيه ناس بتسمع مننا حقن تروح تشتريها وتاخدها وده مؤذي، فعايزة أنصح إن لازم تتابعوا مع دكاترة".
في سياق آخر، كانت قد ردت الفنانة إلهام شاهين على منتقدي ابنة شقيقتها الفنانة إلهام صفي الدين، على خلفية الهجوم عليها بسبب الفيديوهات المتداولة من حفل زفاف ابن خالها محمود شاهين.
قالت "شاهين" خلال لقائها مع "عرب وود": "مش عارفة ليه حقيقة، يمكن أنا مش عاجبهم آرائي، مش عاجبهم قوتي".
أضافت: "مش عاجبهم إني في ناس دخلتهم السجن، وقنوات قفلتها بحكم محكمة.. ماشي بس هي مالها، ملهاش علاقة".