شيماء سيف تروي تفاصيل الصلح بينها وبين هنا الزاهد
تحدثت الفنانة شيماء سيف عن تفاصيل الصلح بينها وبين الفنانة هنا الزاهد، موضحة أن الصلح تم خلال حضورهما حفل زفاف ريم سامي في مايو الماضي.
قالت "سيف" خلال لقائها مع الفنانة إسعاد يونس في برنامج "صاحبة السعادة" المُذاع عبر شاشة "dmc"، إنها شخصية لا تحب التصادم وتُفضل التجنب، وإنها كانت تقف مع الفنان هشام ماجد وحسن الرداد والمنتج أحمد السبكي خلال فرح سامي، فعندما وجدت هنا الزاهد قررت الابتعاد لتتمكن من إلقاء التحية عليهم دون إحراج.
أضافت أنها عندما فعلت وجدت "الزاهد" تقوم بالنداء عليها: "فهي كانت جاية فقولت أمشي عشان ماتتكسفش لأن من حقها تسلم عليهم، فهي اللي هتاخد الثواب بصراحة عشان بلف كده راحت قالتلي تعالي بقى كفاية يا شيخة وسلمنا على بعض".
أكملت: "الكارثة بقى أننا مش عارفين نرجع بعض على إنستجرام، لأنه طلع لو عملتي لحد بلوك وهو عمله بلوك وعدى عليكوا ما يقرب من 3 سنين، فإنستجرام مابيرجعكوش تاني عند بعض، فالناس قالوا بعد ما اتصالحوا رجعوا عملوا لبعض بلوك تاني، وأنا وهي دلوقتي بنضحك على واتس اب".
تابعت أنها ظهرت معها كضيفة شرف في فيلمها مع الفنان تامر حسني، موضحة: "يومها مكنش عندها تصوير بس جت عشان نتقابل، أنا بحبها اوي وهي جميلة".