محمود سعد: لو كسبت 100 مليون جنيه هعمل دار عجزة
رد الإعلامي محمود سعد على سؤال إذا ربح مبلغ 100 مليون جنيه، ماذا يفعل بهم، قائلا: "اعمل دار عجزة".
تابع "سعد" في مقطع فيديو عبر حسابه الشخصي على موقع تبادل الصور والفيديوهات إنستجرام: "و100 مليون دلوقتي أظن يجيبوا شقة في التجمع، أظن أني جاوبت على السؤال ده بالفعل، جالي أرقام مش 100 مليون، لكن جالي أرقام كتير وجاوبت على السؤال ده ومبسوط إن أنا اتوفقت في كده، جالي ما هو فائض عن حاجتي وربنا وفقني إن أنا لا حوشته ولا بعترته".
نرشح لك: محمود سعد يتحدث عن الآيات القرآنية التي يقشعر لها بدنه
استكمل: "الـ 100 مليون علشان اقسمهم يبقوا بتوعي، إنما مهما الفلوس اتكتبت باسمك في البنك وبقت في جيبك ماتعرفش هي رايحة فين أبدا، لا يمكن تعرف الفلوس دي جتلك لمين ورايحة لفين".
اختتم: "أنت تبقى ماشي في جيبك فلوس تبص تلاقيهم طاروا في حاجة، أنت مش عايزها ولا كنت ناوي تجيبها أو تلاقي الفلوس طارت جتلك، أنا شوفت الاتنين، طيب هي كانت جايالي؟ لاء في الغالب بتبقى همزة وصل، بتبقى أنت السمسار في الحكاية، فممكن تبقى سمسار أمين أو سمسار حرامي".