كلمات أغنية "بطلت طيبة" لـ لؤي
طرح الفنان لؤي أغنيته الجديدة "بطلت طيبة" عبر موقع الفيديوهات يوتيوب.
الأغنية من كلمات حسام سعيد وألحان وتوزيع إسلام رفعت.
وجاءت كلمات الأغنية كالتالي:
ملیت اوزع حب على البشر كافة
كفتهم اللي تطب وكفتي خافة
مليت ادفي الناس وأنا عايز اتدفى
طول عمري بدي وعمري ما خدت غير كسفة
مليت اداري دموعي وابين القوة
وأقول تمام وأنا شايل هم من جوه
بصلح في حال الناس وأنا حالي مش هو
ويا ريتني بسمع منهم كلمة حلوة
مليت اعيش للناس.. ولروحي أكون ناسي
وأراعي 100 إحساس.. ويدوسوا إحساسي
بطلت طيبة خلاص.. قررت أكون قاسي
ونفسي من دلوقتي اشيلها فوق راسي
أنا من النهاردة نويت أكون وحيد تاني
هرمي ورايا كل حاجة تعباني
عملت ياما وهما عملوا إيه عشاني
ومن وراهم ولا أي خير جاني
ما احتجتهمش في حاجة ولاقيت واحد منهم
ويارب ما تحوجني ليهم ولا لغيرهم
كبرتهم وعليت في مقدارهم
وزي ما عاليتهم هصغرهم