شاهد.. التفريغ الصوتي لغرفة الفار بمباراة الزمالك والبنك الأهلي

كشف الإعلامي إبراهيم فايق عن التفريغ الصوتي لغرفة الفار بين الحكم محمد عادل وميدو سلامة في مباراة الزمالك والبنك الأهلي في أولى جولات الدوري المصري.

واستعرض "فايق" التفريغ الصوتي بين الحكام أثناء مراجعة ركلة جزاء الزمالك التي احتسبت في الثواني الأخيرة من المباراة والتي انتهت بفوز الزمالك 3-2 على البنك الأهلي، وكان الصحفي أحمد عبد الباسط قد انفرد بهذا التسجيل الصوتي من خلال البرنامج.

وجاءت المحادثة بين محمد عادل وميدو سلامة كالتالي:

ميدو سلامة: عادل سامعني

محمد عادل: أيوة يا ميدو

ميدو سلامة: عندي لمسة يد قبل خطأ المهاجم، عندي احتمالية لوجود ركلة جزاء، تعالى.. بص يا عادل هوريك الزاوية أهو دي لحظة لمسة اليد

محمد عادل: أنا عايز اشوفها بس

ميدو سلامة: أهو أنا معاك أهو في كل حاجة

محمد عادل: ماتقولش أنا عندي

ميدو سلامة: أنا معاك في كل حاجة يا حبيبي أهو واحدة واحدة

محمد عادل: ارجعلي يا ميدو

ميدو سلامة: وصلت وصلت

محمد عادل: ارجع يا ميدو

ميدو سلامة: ماشي 3 فريم ورا، امشي، اهي هنا حصل لمسة اليد، امشي امشي، حصل الفاول بعدها

محمد عادل: ارجع تاني يا ميدو

ميدو سلامة: ارجع

محمد عادل: لاء أنا عايز السرعة العادية

ميدو سلامة: ماشي هات السرعة العادية

محمد عادل: يا راجل ده الكورة مرتدة من الأرض الله يخربيتك، تاني يا ميدو

ميدو سلامة: تاني هات الـ close

محمد عادل: صعبة أوي يا ميدو