إهداء لنجله الراحل.. كليب "ابن عمري" لـ إسماعيل الليثي
طرح المطرب الشعبي إسماعيل الليثي كليب جديد بعنوان "ابن عمري"، عبر قناته الرسمية على يوتيوب، إهداء إلى نجله الراحل "ضاضا".
الأغنية من كلمات محمد النجار، وألحان محمد عبدالمنعم، والكليب من إخراج خالد سامي.
وجاءت كلمات الأغنية كالتالي:
يا ابن عمري عارف أنت تبقى إيه
أنت ضهري اللي أنا بتسند عليه
أنت اللي من عمري كله طلعت بيه
أنت تحويشة الليالي والسنين
بعد منك قولي طب يبقالي مين
ضهري كان مسنود عليك واهو اتقطم
جيت أصرخ بأعلى صوت صوتي اتكتم
قلبي محروق عليك واعمل إيه
يارتني مُت قبل ما أشوف اللحظة دي
يا ابن قلبي أنت قلبي وروحي فيك
ليه تمشي قبل ما أسلم عليك
كنت سيبني أملي عيني شوية بيك
يعني حلم في لحظة واحدة راح هباء
سيبلي منك حضن طيب قبل الفراق
كنت تضحك لي الحياة كانت تبتسم
قالوا راح لقتني فجأة بتقسم
الوجع والحزن صورة بتترسم
الحياة هتطلي في الأيام ليه سم
يذكر أن "ضاضا" نجل المطرب إسماعيل الليثي كان قد رحل عن عالمنا إثر سقوطه من الطابق العاشر.