بعد وفاة والدته.. استمع: أغنية "شكرا يا ماما" لـ أحمد مكي
أعلن الفنان أحمد مكي، منذ قليل، نبأ وفاة والدته السيدة حورية محمد جمال الدين شاكر، طالبا من جمهوره الدعاء لها.
وكان "مكي" قد طرح منذ سنوات عديدة أغنية تحمل اسم "شكرا يا ماما" بالتعاون مع نيهال نبيل إهداء منه لوالدته بعد تربيته له وأخواته عقب انفصاله من والدهم، وهي من كلمات أشرف سليمان، ولحن وتوزيع شادي السعيد.
وجاءت كلمات أغنية "شكرا يا ماما" على النحو الآتي:
حنان مالوش حدود.. أعظم إنسانه في الوجود ماما
مَهما هحكي اللى في قلبي واللى نفسي أقُوله ليكي
مِش هيطلع حتى نقطة فى بحر إحسآسى بيكي
كان حِلمك تبقي سعيدة مع زوج حنون عليكى
تبنوا حياة جديدة.. وولآدك حواليكي
ويدُوب حققتى حِلمك جيه وهد البيت عليكي
فجأة راح سابك وحيده.. ساب ولآدك حتى ليكي
سابك محتآره وحزينة والولآد ماسكين إيديكي
وبقى عندك الإختيار.. بيت جديد وفرصه تانية
أو تعيشى عُمرك وحيده مع ولآدك الصغار
مسئوليه صعبة جداً كُنت قد الاختبار
قولتى هختار ولادى ولو هربيهُم في نار
النهارده دول حياتي مش حسيبهم مهما صار
اللى قآلك ليه تضحى واللي قآلك دا انتحار
وإللى قآلك بكره تيجى تندبى سُوء الاختيار
الولاد دول كانوا إحنا أنا وأخواتى الكُبار
قدرتى تعدى بينا وتربينا دا إنتصار !
وجاى أقولك ب إبتسامة من قلبي
شُكراً يا ماما .. شُكراً يا ماما
يااااا أمى
دعوه حِلوه منك وإيديكى فى السما
يسمع رّبى مِنك وينورلي أنا
شُكراً يا ماما
دعوه حِلوه منك وإيديكي ف السما
يسمع رّبى مِنك وينورلي أنا
كان فيه أوقات كتير الظروف كانت واقفه ضدك
كُنتى بتخبي علينا وتدخُلي تبكى لوحدك
وأما يدخُل حد فينآ بتضحكى وتدارى دمعك
بس كُنت ببقى عارف مره بالصُدفه سمعتك
وقتها اناا روحت حآلف بإللى خلقك وبغلآوتك
إن ماهتغفل عيونى إلآ لو فرحت قلبك
وييجى اليُوم اللى تكُوني فيه فخورة إن أنا ابنك
لما بشُوفك وإنتى قآعده بفضل أراقبك من سُكات
وألقى نفسى بقول لنفسى بحب فيكى كتير حاجات
لما بتحكى يُوم ولآدتى يُوم ما خدتينى فى إيديكى
رحتى حضنانى بمحبه كل تعبك راح عليكي
قومتى بصآلى فى عنيا .. قولتى يُومها سألتى نفسك
أنت إيه وهتبقى مين؟ يارب يطهرلي قلبك
كُنت بهرب من إيديكى وياما بتدلع عليكي
ولما أحس بخُوف وغُربه بجرى أستخبى فيكي
ولو فى يُُوم حسيت تعب جوا حُضنك تحتويني
وبصُوت حنون ودافى تدعي الرحمن يشفيني
ولمآ بنكسر أو أفشل والأمل يبقى فاني
بتقوليلى قوم وكمل.. قوم وحاول مره تاني
طول ما فيك الرُوح يا ابنى قوم وحقق الأماني
ثق في ربك.. ثق فى نفسك.. قوم عشانك قوم عشاني
بسّببك إنتى بقيت بقدر.. طبعاً إنتى ست قيمة
لأني طول ما أنا كُنت بكبر شايفك أنتِ إزاي عظيمة
دا أنا مهما كبرت هاجي وأوطي على رجلك وأبُوسها
ده أنتي أمي وأنتي عُمري
وكُل حاجة حِلوة حاسسها
من كُل قلبى
شُكراً يا ماما
يا أمى
دعوة حِلوة منك وإيديكى فى السما
يسمع رّبىّ مِنك وينورلىّ أنا
شُكراً يا ماما