بعد يأسه وهجرته لأستراليا.. رسالة دعم من تامر حسني لـ هيثم سعيد
أعلن الفنان هيثم سعيد، الهجرة إلى إلى أستراليا والابتعاد عن مجال الموسيقى، بسبب فقدانه الشغف وعدم قدرته على المنافسة.
أضاف "سعيد" خلال مقطع فيديو نشره عبر حسابه على "تيك توك": "أنا سبت مصر أنا وأسرتي وجينا على أستراليا مصر بلدي وحببتي وهتفضل في قلبي بس يمكن أنا فقدت شغفي في الموسيقى وحبيت أبعد شوية وحاسس أن التنافس مبقاش فني بحت ودخل فيه عوامل تانية، تنافس ترندات ومين أشهر ومين أخباره متصدرة أكتر".
أوضح: "بحيي كل فنان لسه عنده طاقة وشغف أنه يقدم لكم شغل في ظل الوضع الغريب، الناس دي بتحرق أعصابها وبتبذل مجهود عشان تقدملك المنتج الفني.. الناس دي قوة مصر الناعمة حافظوا عليها".
تابع: "أنا لسه مش عارف هغني تاني ولا لا، أنا عندي عدة حفلات هنا وهركز الفترة الجاية على تجارب فنية موسيقية مع ثقافات تانية، فنانين من الصين، أو الهند أو إنجلترا.. طلب إنساني لو في بيتك أو محيطك فيه فنان ادعموهم الناس دي بتحتاج ده وعمرها ما بتنسى".
من جانبه علق الفنان تامر حسني على حديث هيثم نبيل موجهًا له رسالة بأنه بجانبه وسيدعمه في قراراته: "حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس، طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير".
أشار: "أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك وعالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجه زي ما أنت متأكد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك".
نرشح لك: موعد حفل هشام خرما في مكتبة الإسكندرية
أضاف: "ما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه ونصيحة ليك برضو أدرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب".
أردف: "ولو حسيت بأي صعوبة أرجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير.. فكر يا صاحبي وأنا بعون الله معاك".