حب منها المطبخ.. علاء الشربيني يتحدث عن والدته

تحدث الشيف علاء الشربيني عن حبه للمطبخ منذ كان طفلًا، بسبب والدته، على عكس ما قد يظنه البعض أنه أحبه لأن والده شيف شهير.

أوضح "الشربيني" خلال حلوله ضيفًا على بودكاست "فايق ورايق" مع إبراهيم فايق، والمذاع على "اليوتيوب" قائلًأ: "جالي شغف الطبخ من ماما، إحنا أصلا مهنة الشيف دي عندنا أبًا عن جد بس كنت حاسس إن بابا مش شايفني فيها ومبيحبش الوسايط".

نرشح لك: إمام عاشور يكشف تفاصيل انتقاله من الزمالك إلى ميتلاند وعودته إلى الأهلي

أضاف: "فكان مرجعي من ماما كانت بتشيلني على كتفها وهي بتطبخ، بعدين بقيت بساعدها. كنت معجب أوي بشخصيتها ست مسؤولة عن 3 أولاد وبابا أغلب الوقت في الشغل، فكنت ماشي في ديلها، وهي كانت بمية راجل ومسيطرة".

أردف: "كانت بتشيلني على كتفها وهي بتطبخ ومن وأنا طفل بتفرج، بعدين بقيت بساعدها عشان أخد كفتة أو بطاطس مكافئة حلال بدل ما كنت بسرقها وهي بتحمر".

وعن بداية دراسته وعمله في المطبخ قال إن الشيف الشربيني رفض تمامًا أن يتوسط له للتعلم معه في واحد من أكبر فنادق القاهرة، والذي كان هو الشيف الرئيسي فيها، لكن والدته ساعدته.

قال: "وأنا 14 سنة قالت لبابا ياخدني يدربني بس مكنش راضي لأنه مبيحبش الوسايط، وأخيرًا وافق وأخدني معاه يدربني، عشان أتعلم، وكنت منبهر جدًا بشخصية أبويا وكان نجم الفندق، فكنت بتعامل كاني ابن صاحب الفندق".

تابع: "بابا كان محبوب وكان مسيطر هناك فأي حد عايز يتقربله كان يديلي ساندوتش، وأنا كنت بتفرج بقى واتعلم بس لما لقى كده طردني، وقالي عايز تشتغل انسى بقى شغل البيت وتحمير الشعرية ده وروح ادرس فدخلت ثانوية سياحة وفنادق".