بدرية طلبة ترد على شائعات خلافها مع ياسمين عبد العزيز
ردت الفنانة بدرية طلبة، على شائعات خلافها مع الفنانة ياسمين عبد العزيز، والتي انتشرت بعد عدم حضور الأخيرة حفل زفاف ابنتها.
وقالت "طلبة" خلال لقائها مع "فوشيا": "أنا أقدر؟ دي بنتي وأختي وحبيبتي، مفيش خلافات ده حد بيخترع شر، وربنا يبعده عني، مش لاقي لي غلطة بالصدفة هي كانت مشغولة في فرح بنتي وماجتش لكن عملت معايا الواجب اللي أخت تعمله مع أختها، عملت معايا اللي متعملش لكن ظروفها مسمحتش أنها تيجي".
أضافت: "هو أخد الحتة دي وقد يهري مع نفسه وإحنا محدش بيرد عليه، ياسمين بترد الرد اللي يليق بنجمة لأنه اقحمها في المشكلة غللي بيني وبينه وأنا الموضوع ضايقني ورفعت عليه قضية".
أردفت: "ويكفي أقول إني عندي مسلسل مع ياسمين عبد العزيز في رمضان 2025".
في سياق آخر، كانت الفنانة بدرية طلبة قد طمأنت الجمهور على صحتها، بعد خضوعها أمس الأحد، لإجراء عملية جراحية عاجلة.
كتبت "طلبة" عبر خاصية القصص القصيرة على موقع تبادل الصور والفيديوهات "إنستجرام"، إنها أجرت العملية بنجاح وخرجت اليوم من المستشفى.
أضافت: "اللهم لك الحمد والشكر، عملت العملية وخرجت النهارده".
كما وجهت رسالة شكر لكل من تواصل معها للاطمئنان على صحتها، موضحة: "شكرا لكل اللي بعت يطمن عليا وآسفه لعدم الرد، وشكرا لنقيبنا الدكتور أشرف زكي على اهتمامك اللي متعودين عليه دائما".
تابعت: "ربنا ما يحرمني من حبكم ودعائكم ليا.. وربنا يتمم شفايا.. وبتمنى ما حد من حبايبي يشوف تعب أبدا ويكتب لكم جميعا الخير".