أحمد مجدي يكشف موقفه من الزواج مرة أخرى
هاله أبو شامة
كشف الفنان أحمد مجدي، موقفه من الزواج مرة ثانية، وذلك بعد أن وجهت له الإعلامية إنجي علي سؤالا في هذا الشأن.
قال "مجدي" خلال لقائه في برنامج "أسرار النجوم" الذي تقدمه الإعلامية إنجي علي، عبر أثير إذاعة نجوم إف إم، إنه سيجيب على هذا السؤال بنظرة أعم وأشمل من الإجابة عليه بشكل مباشر وشخصي.
أوضح: "كل واحد فينا بيدور على مخلص أو حد ينقذه من أي حاجة فكلنا بندور ع حد ينقذنا من اللي احنا فيه.. نحبه ويحبنا، كلنا واقعين في الفخ ده بشكل ما ومش مدركين بشكل جوهري إن المخلص ده جوانا احنا مهما كان الواحد واعي وقوي وبيشتغل على نفسه برده بيقع في فخ المخلص والرومانسية المفرطة".
تابع: "دايما الواحد يبقى نفسه يلاقي ده، بس في النهاية انا مدرك إن المخلص ده جوايا، أنا السعادة مش برايا، الحب مش برايا، ده اللي انا وصلت له دلوقتي".
أضاف: "أنا مش قادر أستحمل حد ومش هيقدر حد يستحملني.. شغلانتنا صعبة أوي فيه تحولات كتير أنا ممكن أبقى بعمل شخصية بسيطة وهي مأثرة عليا وده مش سهل، يبدو إن الموضوع محتاج خبرة أو سن معين، كل ما الواحد يوصل لمرحلة إنه فاهم نفسه يطلع مش فاهم نفسه".
للمشاهدة من هنا
يشار إلى أن يعرض حاليًا للفنان أحمد مجدي مسلسل "نقطة سودة" عبر شاشة "mbc مصر"، وهو بطولة الفنان أحمد فهمي وناهد السباعي وسارة سلامة وهدى الإتربي، وعدد من الفنانين الشباب، ومن تأليف أمين جمال ومن إخراج محمد أسامة.
أحمد مجدي يكشف موقفه من الزواج مرة أخرى