إياد صالح يكشف سبب ظهور الكرة النسائية في "الحريفة 2"
هالة أبو شامة
كشف السيناريست إياد صالح، تفاصيل الجزء الثاني من فيلمه "الحريفة 2 الريمونتادا"، الذي انطلق عرضه الخاص مساء أمس الثلاثاء بأحد المولات في السادس من أكتوبر.
قال "صالح" في تصريحات خاصة لـ "إعلام دوت كوم" على هامش العرض الخاص للفيلم: "الجزء التاني بنشوف الحريفة لما بيدخلوا الجامعة.. دخلوا في مرحلة جديدة من حياتهم.. وبنشوف العالم الجديد اللي هما فيه هيعرفوا يبقوا فيه إزاي".
وعن سبب ظهور الفنانة نور إيهاب، خلال أحداث الفيلم وهي تمارس رياضة كرة القدم النسائية، قال: "حسيت إن دلوقتي بقى عندنا كرة نسائية كتير في مصر.. وحاسس إن قرب الشخصية اللي بتجسدها نور إيهاب من شخصية "ماجد" اللي بيجسدها نور النبوي، ممكن يشجعها تلعب كورة، والفيلم بيقول إنها بتلعب وبتتفوق في الكورة".
من ناحية أخرى، كشف مؤلف العمل عن أبرز التحديات التي واجهت الفريق أثناء التصوير، إذ قال: "فيلم (الحريفة 2") كان فيه تحديات كتير أوي في تصويره".
تابع: "اتصور في أماكن حقيقية وأماكن برا مصر فكان فيه الصعوبة الطبيعية بجانب إن الأبطال بقوا معروفين ومش سهل تصوري بيهم في الأماكن الحقيقية بس كنا مصرين إننا منصورش في ديكورات".
فيلم "الحريفة 2" تحت اسم "الريمونتادا" طرح بدور العرض وهو من بطولة نور النبوي، كزبرة، أحمد غزي، عبدالرحمن محمد، سليم الترك، خالد الذهبي، ومن تأليف إياد صالح وإخراج كريم سعد، ويدور الجزء الثاني حول الحريفة بعد فوزهم بالبطولة، يتفقوا على استكمال الحلم سويًا.
ويدور الفيلم حول الحريفة ودخولهم للجامعة لأول مرة وانبهارهم بما داخلها وعودتهم للعب كرة القدم، مع وجود "حريفة جدد" داخل الفريق سواء من العنصر النسائي أو الرجالي.