محمود سعد يكشف عن 3 قيم لا يتنازل عنهم
كشف الإعلامي محمود سعد عن 3 قيم لا يتنازل عنهم أبدا، مؤكدا أن حريته هي القيمة الأساسية.
قال "سعد" في مقطع فيديو عبر حسابه الشخصي على موقع تبادل الصور والفيديوهات إنستجرام: "حريتي، محدش يقرب ناحية حريتي خالص، أسعى دايما إني أكون إنسان يصفه البعض أو المقربين منه بأنه جدع، أبقى كريم".
تابع: "دي قيم مش موجودة فيا، أنا بسعى إني أحققها وإذا كان جزء قيا موجود فأنا بسعى إني أحسنها، لكن القيمة الأساسية الحرية هي موجودة فيا ومحدش يقدر ياخدها مني".
أردف: "أعتقد أن الإنسان عليه أن يحمي أخيه الإنسان وأن يسعى لرزقه ويتحمل المسئولية الموكلة إليه.. هل لما أقول النبل تبقى قيمة؟ هل أنا نبيل؟ آه لأني مأذيش حد صاحبي، أساعد أي حد اعرفه".
اختتم: 'هل لما اتحلى بالقيم دي أبقى إنسان كويس؟ لا أبقى إنسان عادي، لو أنت من غيرها تبقى مش إنسان أصلا، تلاقي واحد يقولك ده عمل معانا حاجة كويسة أوي، على فكرة دي الأصول، لكن في الزمن الغبي والخشن تلاقي الواحد بيعمل الشيء اللي هو واجب عليه فالناس تقوله متشكرين أنت عملت حاجة عظيمة".