ارتداء الحجاب وعبدة الشيطان.. أميرة فتحي ترد على الشائعات التي تلاحقها

ردت الفنانة أميرة فتحي على الشائعات التي تلاحقها، كشائعة ارتدائها الحجاب بعد مشاركتها في فيلم "صعيدي في الجامعة الأمريكية"، وأيضا شائعة حضورها حفل لعبدة الشيطان.

قالت "فتحي" خلال لقائها في برنامج "كلام الناس" المذاع عبر شاشة "mbc مصر": "قالوا إني كنت محجبة عشان فيلم (صعيدي في الجامعة الأمريكية)، لكن أنا متحجبتش ده كان مجرد دور، والحمد لله ده دليل على مصداقية الدور وأن الناس كانت مصدقة إني محجبة بجد".

أما عن شائعة عبدة الشيطان قالت: "كانت إشاعة غريبة جدا، وكان فيه بنت فنانة موجودة في الموضوع وافتكروني أنا اللي بنتها، وأنا اللي عندي القصة دي، بنت فنانة معروفة كانت في حفلة وافتكروني أنا اللي بنتها".

كما كشفت عن سر حفاظها على جمالها مؤكدة أنها لا تحب عمليات التجميل، موضحة: "أنا مش ضد التجميل لكن لما يبقى فيه حاجات بديلة أنا بعملها، بحافظ على روتين حياتي، وبحافظ على شعري بالحاجات الطبيعية، وماسك الصبار الطبيعي هايل، وأرواق السدر الرسول صلى الله عليه وسلم اتكلم عنه".

أشارت: "أنا الصبح بقرأ قرآن على المياه وبشربها على الريق، وبشرب جنزبيل بالليمون، ومعلقة زيت زيتون، وأكل 7 تمرات ده فكاري وأنزل أعمل رياضة، التمر بيدي طاقة مش عادية".

أردفت: "ليا يوم أو يومين بلخبط فيهم، وبعمل ماسكات طبيعية لكن الحاجات اللي بتخليما كلنا شبه بعض مليش فيها، الفيلر المبالغ فيه واللي بيغير الملامح".

أميرة فتحي ترد على الشائعات الفنانة أميرة فتحي أميرة فتحي برنامج كلام الناس mbc مصر