كلمات أغنية "100 سؤال" لـ أدهم سليمان
طرح الفنان أدهم سليمان أغنية جديدة بعنوان "100 سؤال" عبر قناته الرسمية على موقع الفيديوهات "يوتيوب"، وهي من غنائه وكلماته وألحانه.
وجاءت كلمات الأغنية كالتالي:
شكلي وملامحي اتغيروا
بضحك ودمعي بنكروا
وشايل هم فوق سني
ماعرفش ليه
مستغرب الناس حواليا
وحتى أقرب ناس ليا
منهم أنا شبعت أذيه
ماعرفش ليه
بقيت بفكر بالساعات
مابقتش عارف أنام إزاي
كل يوم بيفوت بتوه
في الحياة
جوايا 100 سؤال
وحيرة فوق الاحتمال
في لحظة بشوف طريق
وفي لحظة تانية بالاقيه خيال
عماله سنين تفوت
بصرخ ومن غير أي صوت
بحارب كل يوم
علشان أعيش.. في بموت
وبمشي في الطريق
صابر وراضي بكل شيء
حتى الألم أصبح صديق
آخرتها إيه
محتاج أعيش لحظة هدوء
جوة راسي ألف صوت
كل شيء ضاغط عليا
أهرب لفين
نفسي أبطل أعيش في سباق
مع وهم من صنع الحياة
أنا عاوز ألاقي يوم نفسي
أنا أبقى مين
بقيت بفكر بالساعات
مابقتش عارف أنام إزاي
كل يوم بيفوت بتوه
في الحياة
