رانيا يوسف: أنصح بناتي بعدم الزواج إلا بعد الثلاثين
إسراء إبراهيم
كشفت الفنانة رانيا يوسف عن وجهة نظرها حول الحب والزواج، مؤكدة أنها مرت بتجارب حب من طرف واحد في حياتها، لكنها ترى الأمر جميلًا ومفيدًا في تعلم الإنسان حب نفسه.
قالت "يوسف" خلال حلولها ضيفة على بودكاست "ع الرايق"، مع خالد عليش ومريهان عمرو: "أنا بحب على روحي طول ما أنا ماشية، عشان كده بطلت.. ما فيش حاجة اسمها حد لذيذ، فيه روح مناسبة لروح. ممكن أحب تاني لو لقيت حد روحه شبه روحي، وبيحب رانيا بجد مش منبهر بيها، لازم يبقى عارفني وفاهمني".
وعن أسباب ارتفاع معدلات الطلاق في المجتمعات الشرقية، أوضحت رانيا أن المشكلة تكمن في التسرع وعدم التفكير بعمق في مدى توافق الأرواح بين الشريكين، مضيفة: "الناس بتتجوز بسرعة لأن فلان عجب فلانة والعكس، من غير ما يفكروا إذا كانوا هيعرفوا يعيشوا مع بعض ويتجاوزوا الاختلافات".
أضافت: "المجتمعات الشرقية بيطلقوا كتير، لأنهم مبيعرفوش بعض حقيقي، مبيعرفوش إذا كانت روحه مناسبة لروحها، وهيكملوا عمرهم سوا ولا إيه.. وبعد كده بيلبسوا مشاكل.. لو بنفكر أن الأرواح تتلاقى هنعرف نتجوز صح".
أما عن طريقة تربيتها لابنتيها، نانسي وياسمين، أكدت رانيا أنها تشجع الحرية والاستقلالية، قائلة: "أنا بقول لبناتي دايمًا لازم تكملوا دراستكم وتحافظوا على حياتكم وشغلكم وأموالكم. الجواز مش أساسي خالص، ويا ريت ما تتجوزوش غير بعد التلاتين".
كما أشارت رانيا يوسف إلى أنها تفضل أن تكون علاقة البنات بشركائهن متوازنة بحيث يكون الطرفان جزءًا من حياة بعضهما، وليس حياتهما بأكملها. مؤكدة أنها تحافظ على علاقة صداقة قوية مع ابنتيها.