كلمات أغنية "تروح لمين" لـ ليجي-سي

طرح الرابر ليجي-سي أغنية جديدة تحمل اسم "تروح لمين" عبر قناته الرسمية على موقع الفيديوهات الشهير "يوتيوب"، وهي من فيلم "البحث عن منفذ لخروج السيد رامبو" بطولة الفنان عصام عمر، والذي يعرض حاليًا بالسينمات المصرية.

أغنية "تروح لمين" غناء ليجي سي، ومن كلماته وألحانه.

وجاءت كلمات أغنية "تروح لمين" على النحو الآتي:

الدنيا مش فاكراك، وش الطيبة مش نافع

جواك كتير يتقال لكن ما حدش سامع (صوت)

جوايا بيقُلي إن كل إللي راح مش راجع

بس أنا باقي مش بايع، إيه

كان نفسي تتحل بالمعروف

بس كل مرة ألاقيها جايّة في غلط

(كل مرة، كل مرة، كل مرة)

والدنيا معانداني، دنيا معانداني وما بتقبلّيش طلب

وأنا لا عندي إللي يجيب حقي

أنا بجري وحاسس إني ضهري إتقطم

كل مرة أتصدم، حتة بتقع مني وبحس إن أنا بتكسر

وتدور ع إللي ضاع منك وإللي فاضلّك

وتتوه وتروح لمين يدلك؟ كل الدنيا ضدك

وتدور ع إللي ضاع منك وإللي كان في ضِلّك

والدنيا دي كل يوم تهدك، تسند ع الناس تذلك

ده أنا والله ما إختارت، أنا إتحطيت فيها غصب

مش سايباني من الباب للطاق، بتحب تخليني مضطر

كل شوية بيسقط مني حرف

أيام أصعب من بعض وشريطي بيتكر

تحب تجيبني أرض لو مشيت ع الخط

كله مد إيد إيد، ما بتشبعش ضرب

بدأت أصدق إنها غابة

كل مرة يحسسوك إنك غريب

جربت تدور ع الأمان في وسط ناسك

بس كل مرة تتوه ومش بتلاقيه

محلولة لو موضوع بسيط

حاسس جوايا نار بتحرق بالبطيء

أعمل عشانك أي حاجة، مش خسارة فيك

وتدور ع إللي ضاع منك وإللي فاضلّك

وتتوه وتروح لمين يدلك؟ كل الدنيا ضدك

وتدور ع إللي ضاع منك (ع إللي ضاع) وإللي كان في ضِلّك

والدنيا دي كل يوم تهدك (كل يوم)، تسند ع الناس تذلك

فيلم "البحث عن منفذ لخروج السيد رامبو" من بطولة الفنان عصام عمر والفنانة ركين سعد وأحمد بهاء، وإخراج خالد منصور، وكتابة وتأليف محمد الحسيني وخالد منصور، ومن إنتاج محمد حفظي.

وتدور أحداث الفيلم حول "حسن"، الشاب الثلاثيني الذي يتورط برفقة "رامبو"، كلبه وصديقه الوحيد، في حادث خطير دون ذنب، ليصبح بين ليلة وضحاها مطاردًا من قِبل جاره "كارم"، الأمر الذي يدفع "حسن" للبحث عن طريقة آمنة لإنقاذ نفسه و"رامبو" من مصير مجهول.