الاعتداء بالضرب على الفنان السوري عبد المنعم عمايري أمام ابنته

قالت مريم ابنة الممثل السوري عبد المنعم عمايري، بأن والدها تعرض للضرب العنيف من قبل شخص بالشارع في سوريا، حتى فقد الوعي.

كتبت "مريم" عبر خاصية القصص القصيرة على حسابها الرسمي على "إنستجرام"، قائلة: "بلد حرة؟ وين الحرية إذا واحد قام بضرب أبي قدام عيوني وأبي مرمي على الأرض مغمى عليه، هي الأمانة والثقة بإنه نعمر بلد جديدة، قد أبوه ويضربوا ويرفسو برجليه على كبده! ما شاء الله فعلا شيء بيرفع الراس".

نرشح لك: مفاجأة 2025.. تعاون مرتقب يجمع حميد الشاعري ومحمد سعد

أضافت: "وين القانون وين الحكم وين الدين والشهادة؟ دينك بيسمحلك تمد إيدك وترفع سلاح على واحد قد أبوك؟ وين الأخلاق بإنك تضرب زلمة قد أبوك لتخليه يغمى عليه على الأرض؟ القانون وين والدين والشهادة وين؟ ما قلتولنا بلد متحضر ما بيسكت على القانون، حق أبي مين بيجبلي ياه؟ حق أبي والمنظر يلي شفناة أنا وأختي مين برجعلنا ياه".

أشارت: "ما قلتلونا نحن سوا لنعمر البلد ونساعد الناس ونكون إيد بإيد لنساوي سوريا الجديدة؟ ما قلتوا رح تحموا الكل؟ وين الحضارة؟".

تابعت: "دينك ما بيسمحلك تسمع كفر وسب الله بس بيسمحلك إنك تضرب واحد أكبر من أبوك؟ في قانون بتروح بتشتكي لو غلط وبتتصرف بكل قانون ووعي يا محترم، يتقوم بدينك وشهادتك بتضرب واحد ليغمى عليه!".

أردفت: "أبي عامل عمليتين بكبده ومرارة ما صرلوا كم شهر طايب منها ممنوع يحمل شيء تقيل، ولا يقرب حدا على هذه المناطق اللي بجسمه بقوم برفسوا بالبارودة على كبده، أوف على الحضارة، أوف على الحرية شو حلوة إذا هيك".