شيرين عادل: يسرا كانت بتبخر وتقرأ قرآن في البلاتوه
كشفت المخرجة شيرين عادل عن كواليس تعاونها مع العديد من الفنانين في مجموعة من الأعمال الدرامية، كاشفة عن طقوس يسرا داخل بلاتوه التصوير.
قالت "عادل" خلال حوارها مع الإعلامية إيمان أبو طالب في برنامج "بالخط العريض" المذاع عبر شاشة "الحياة"، إن يسرا كانت تفضل دائمًا أن تبدأ يومها بقراءة القرآن وإشعال البخور، موضحة: "كانت بتحب تيجي الصبح نبخر البلاتوه ونقعد نقرأ قرآن، وكانت كل فترة تعمل لينا عزومة وتجيب أكل من البيت.. وبتعمل جو حلو أوي في البلاتوه".
كما تحدثت عن موهبة محمد إمام، مشيرة إلى أنه مجتهد للغاية ولا يتعمد تقليد والده، موضحة: "من المجتهدين جدا، وأكتر حاجة بتضايقه لما نقوله بلاش ده عشان شبه عادل إمام، هو شخص منفصل تمام عنه، لكن ساعات غصب عنه، لأن في جينات، ممكن يضحك أو يعمل حركة شبهه، وأعتقد هو دلوقت خلاص تخلص منه ده".