شاهد.. كليب "مش كتير" لـ محمد الشرنوبي
طرح الفنان محمد الشرنوبي فيديو كليب أغنية "مش كتير" عبر قناته الرسمية على "يوتيوب"، وجاءت من كلمات مصطفى ناصر، وتلحين وتوزيع موسيقي الشرنوبي، وميكس وماستر عمار خاطر، وألحان الوتريات أحمد حسن فكري، وإيقاع سامح منصور، ومهندس صوت بيشوى مجدى.
وجاءت الكلمات كالتالي:
مش كتير
اللي أنت شايفه مش كتير
عمري كله يهون وأشوف قلبك بخير
تبقى أول حد عندي
وتبقى بردو أنت الأخير
مش كتير
من زمان
قبل أما أقابلك من زمان
وأنت جوه في قلبي متشالك مكان
مش ضروري أحكي اللي شايله في قلبي
ما اللي في قلبي بان
من زمان
لو هسيبلك روحي تفضل بين إيديك
إمتي كان في الدنيا حاجة كتير عليك
لو في نجمة بعيدة وأنت عايزني اجيبهالك
هطير
مش كتير
لو هعيش أكتر من اللي أتعاش سنين
مش هقابل زي قلبك مرتين
يبقى لما الناس دي تبقى في كفة
وأنت في كفة غير
مش كتير
باختصار لما اتقابلنا باختصار
اتكتب لليل في قلبي يشوف نهار
فرقنا والفرق بين قلبك وبين الناس كبير
مش كتير.. مش كتير
لو هسيبلك روحي تفضل بين إيديك
إمتي كان في الدنيا حاجة كتير عليك
لو في نجمة بعيدة وأنت عايزني أجيبهالك
هطير
مش كتير
لو هعيش أكتر من اللي أتعاش سنين
مش هقابل زي قلبك مرتين
يبقى لما الناس دي تبقى في كفة
وأنت في كفة غير
مش كتير