استمع.. أغنية "بخاف من عيد ميلادي" لـ علي الحجار
طرح الفنان علي الحجار أحدث أغانيه بعنوان "بخاف من عيد ميلادي"، عبر موقع الفيديوهات "يوتيوب".
الأغنية فكرة وإنتاج محمد التابعي، كلمات حسام ابراهيم، ألحان وتوزيع وميكس وماستر أحمد شعتوت.
نرشح لك: في ظهور نادر.. الفنانة طروب ضيفة "معكم منى الشاذلي"
وجاءت كلمات الأغنية كالتالي:
من يوم ما بقيت جنين ولحد 4 سنين
كان قلبي له عنين بتشوف الطيبين
عيل في التختة قاعد بتعلم أبجدية
في عنيا الدنيا لسه وردية وميه ميه
في العيد باخد عيدية
ودموعي اللي في عنيا لساهم محبوسين
وسنين بتجيب سنين وأنين بيجيب أنين
ويموت فيا الحنين وأنسى أنا كنت مين
يا سنين في الجامعة طايشة يا رفاقة في المسيرة
ويا بنت في قلبي عايشة معلش الإيد قصيرة
ويا ليل مروسم في أوضتي والنوم على الحصيرة
ويا دفعة اديته صورتي وحكالي حاجات كتير
يمكن منكونش عيشنا لكن بنسيب سيرة يحكيها اللي واحشنا في حكاوي الشهرانين
وسنين بتجيب سنين وأنين بتجيب أنين ويموت فيا الحنين وانسى أنا كنت مين
تلاتيني رزين وهادي والدنيا في عيني عادي
وبخاف من عيد ميلادي ليكون الأربعين والشعرة البيضة بانت وبقيت خزان طيابة
والحتة القاسية ماتت أول ما اتقالي بابا
مبقولش الناس ديابة ولا أقول الدنيا غابة
وبشوف الناس غلابة وفي ساقية مربوطين
ستين من العمر عدوا والجاي مبقاش بعيد
وبقيت دلوقتي جدو وحفيد بيجيب حفيد
ولا فيه في العيد عيدية ولا ايد ماسكة فيا
وإن جيت جسيت ايديا تلاقيهم بردانين
وسنين بتجيب سنين وأنين بيجيب أنين ويموت فيا الحنين وأنسى أنا كنت مين