محمد الدسوقي رشدي يكشف عن دور مصر في هدنة غزة

كشف الإعلامي محمد الدسوقي رشدي عن دور مصر التاريخي وتحقيق أهدافها لتطبيق الهدنة قطاع غزة.

قال "رشدي" خلال برنامج "المهم": "الهدنة ووقف الحرب خير لكن اللي مش حلو كالعادة إنه دايما لازم نحشر اسم مصر، العالم كله خلال الشهرين اللي فاتوا بيتكلم عن دور مصر وسعيها الدائم إنسانيا وسياسيا ودبلوماسيا لوقف الحرب لكن بمجرد ما تم الإعلان الرسمي الأصوات إياها طالعة تقول مصر مكانش ليها دور وقطر هي اللي عملتها".

نرشح لك: محمد الدسوقي رشدي: مصر أول دولة في العالم تقترح رؤية شاملة لحل أزمة غزة

أشار: "بدء إعلام الإخوان عن تقارير انتشرت قبل كده إن مصر بوظت مفاوضات الهدنة ومكانش ليها أي دور في الاتفاق اللي بيحصل دلوقتي وأن مصر خذلت أهلنا في غزة، ومبقاش لينا أي دور إقليمي، هل ده حصل فعلا؟ يوم 13 يناير طلع الرئيس الأمريكي جو بايدن وقال تصريح مهم وهو اتطلع للاتصال بالرئيس المصري قريبا من أجل تأمين اتفاق وقف إطلاق النار في غزة، ده أول دليل على دور مصر الفعال، وفي أقل من 48 ساعة بعد ما تصريحات بايدن البيت الأبيض طلع بيان رسمي بيقول فيه إنه حصل بين جو بايدن والرئيس عبد الفتاح السيسي".

أوضح: "وقال البيت الأبيض في البيان إنه تم مناقشة وقف إطلاق النار في غزة، وأكد في البيان أن جو بايدن أعرب عن شكره للرئيس المصري على قيادته لهذا الملف، ومشيدا بدور مصر طول عملية التفاوض، وهذه الصفقة لم تكن للتتحق أبدا لولاء دور مصر التاريخي في الشرق الأوسط".