شاهد.. أغنية "لوحدي في المكان" لـ محمود العسيلي وعبير نعمة
طرحت شركة "Music Yard" أغنية جديدة تحمل اسم "لوحدي في المكان" للفنان محمود العسيلي وعبير نعمة، عبر قناتها الرسمية على موقع الفيديوهات "يوتيوب"، من فيلم "6 أيام" الذي يعرض حاليًا بالسينمات المصرية.
أغنية "لوحدي في المكان" من كلمات محمود فاروق، ألحان إيهاب عبد الواحد، توزيع شادي جوزيف.
نرشح لك: استمع.. ألبوم أحمد سعد "حبيبنا" كاملا
وجاءت كلمات أغنية "لوحدي في المكان" على النحو الآتي:
لوحدي في المكان
نزلت دمعة عينيا وذكريات زمان
فجأة هجمت عليا تدق على البابان
تدق على البابان تاني
بتفتح في حكايات
أنا كنت خلاص قافلها
وبتوريني ناس بعيدة ومش طايلها
وقلبي يقولي آه.. قلبي يقولي آه ياني
جاية ليه من تاني؟ عايزة إيه أحزاني
زيارة مش مكانها.. مشاعر فات آوانها
ودافع تمنها هفضل لإمتى أعاني!
راجعة ليه؟ فهميني
بعد إيه بتزوريني
يا لحظة مش حاسبها
يا ذكرى مش حاببها
ماحيها.. شاطبها.. مانعها عن لساني
في قارب الرجوع راجع لكن لوحدي
وحابس الدموع علشان اليوم يعدي
وبضحك للحياة لكن بضحك على قدي
ماليش أحلام كتير
بحلم براحة بالي
وأخف من التفكير ومن سهر الليالي
ونار الانتظار وحاطط إيدي على خدي
جاية ليه من تاني؟ عايزة إيه أحزاني
زيارة مش مكانها.. مشاعر فات أوانها
ودافع تمنها هفضل لإمتى أعاني!
راجعة ليه؟ فهميني
بعد إيه بتزوريني
يا لحظة مش حاسبها
يا ذكرى مش حاببها
ماحيها.. شاطبها.. مانعها عن لساني
مانعها عن لساني
مانعها عن لساني
راجعة ليه؟ فهميني
فيلم "٦ أيام" من بطولة أحمد مالك وآية سماحة ومن تأليف وائل حمدي ومن إخراج كريم شعبان وإنتاج شركة "سي سينما برودكشنز" هاني نجيب وأحمد فهمي.
ويدور الفيلم حول يوسف وعالية بعد سنوات من فراق فرضته عليهما ظروفًا قهرية وهما في المرحلة الثانوية، تجمع الصدفة بينهما مجددًا وقد اتخذ كلا منهما مسارًا مختلفًا في حياته عن الآخر. فهل يشاء القدر لهما أن يستمرا سويًا أم لا؟ دراما رومانسية عن الحب والصداقة والحياة، تحاول الإجابة عن سؤال: هل تتغير المشاعر مع تغيرنا ونضجنا بمرور السنين؟