تعليق رامي رضوان على مشاجرة طالبات مدرسة التجمع
علق الإعلامي رامي رضوان على المشاجرة التي وقعت بين طالبات بمدرسة دولية بمنطقة التجمع الخامس، وأدت إلى كسر أنف طالبة وانتشر مقطع فيديو للمشاجرة على مواقع التواصل الاجتماعي بشكل كبير.
كتب "رضوان" عبر حسابه الرسمي على فيس بوك: "مشهد مرعب! معقول مفيش ولا دكر في الشباب دي كلها يدخل يفض؟ معقول مفيش واحد أبوه علمه الرجولة فيتحرك ويبعد دي عن دي؟"
أضاف: "مفيش واحد أهله أسسوه وربوه صح ينادي حتى المشرفين ولا المدرسين معقول الشباب دول اخرهم يعملوا دايرة ويتفرجوا ويصوروا بنتين بيضربوا بعض؟".
أوضح: "الصورة دي في منتهى الخطورة لا فيها الأنثى اللي كلها رقة وحنية وأنوثة وجمال في الخُلُق والطلة، ولا فيها الراجل الدكر اللي مايسمحش بالعيبة واللي في أي خناقة يفض ويسد حتى لو مايعرفش اللي بيتخانقوا، ما بالك لو زمايله!".
نرشح لك : رئيس مجلس أمناء مدارس القاهرة الجديدة يدافع عن مدرسة التجمع
أردف: "زمان كانت الصور دي موجودة بشكل تاني.. كانوا الرجاله اللي أحيانا بيتخانقوا ويعجنوا بعض.. والحريم هي اللي كانت بتقف تتفرج..مش العكس حقيقي مشهد مررررعب! ربنا يستر عليهم ومنهم".