مي فاروق عن حفل زفافها: كان لازم أرقص
كشفت الفنانة مي فاروق عن كواليس حفل زفافها على الفنان محمد العمروسي، مشيرة إلى أنها لم تكن تهتم سوى بسعادة أبنائها وزوجها وأسرتهما وأحبائهما.
قالت "فاروق" خلال حلقة مساء الخميس من برنامج "معكم" المذاع عبر شاشة "ON": "كنت ناوية في اليوم ده نكون كلنا مبسوطين، وأهم حد يكون مبسوط ولادي وأنا ومحمد وعيلتنا وحبايبنا".
أضافت: "أنا مشوفتش حُب وفرحة حقيقية قد اللي شوفته في اليوم ده.. واتبسطنا الحمد لله".
وعندما سألتها منى الشاذلي عن "رقصها" في حفل الزفاف، أجابت مازحة: "ما أنا لو مرقصتش في اليوم ده هرقص امتى.. فكان لازم".
كما أهدت زوجها الفنان محمد العمروسي خلال الحلقة أغنية "سيرة الحب"، موضحة: "أغاني الحب كلها له، لكن ممكن اختار أغنية (سيرة الحب) لأم كلثوم".
كانت المطربة مي فاروق قد احتفلت بحفل زفافها، إلى الفنان محمد العمروسي، خلال الأيام القليلة الماضية، وتعرضت لانتقادات حادة عقب حفل زفافها.
وردت "فاروق" على هذه الانتقادات خلال مداخلة هاتفية مع الإعلامي عمرو أديب في برنامج "الحكاية"، المذاع عبر شاشة "mbc مصر": "أنا اتجوزت بس، معملتش أي حاجة والحمد لله كان يوم حلو والناس اللي كانت موجودة كانت جاية بحب وفرحة، كل الفنانين والأصدقاء وعيلتي وولادي قبل أي حد، كل الناس كانت فرحانة وبس معرفش إيه اللي حصل بعد كده مش فاهمة".
تابعت: "ليه مقولش إني بتجوز قدام الدنيا كلها؟ لما بعد 6 سنين أنا أم بأولادي لوحدي ومسئولة عنهم وعن شغلي بس، يوم ما اقرر اتجوز، أنا واحدة ست عايزة تتبسط وولادي يتبسطوا بيا ومعايا ونفرح ونعلن قدام الدنيا كلها إن إحنا بنعمل حاجة حلوة ترضي ربنا ومبسوطين، إيه المشكلة إني أعلنت؟ تضايق الناس في إيه؟".
أردفت: "الناس بدأت تحلل نظرة ابني وبنتي ليا وقلبها موجوع، وبعدين محدش يعرف حاجة عن حياتي الشخصية بس حبيت يعرفوا اني اني اتجوزت انا ولادي نمرة واحد في حياتي وكل حاجة تيجي بعدهم أنا مليش دعوة بالناس".