استمع.. أغنية "مشيتي وسبتيني" لـ محمود العسيلي
طرح الفنان محمود العسيلي أغنية جديدة تحمل اسم "مشيتي وسبتيني" عبر قناته الرسمية على موقع الفيديوهات "يوتيوب".
أغنية "مشيتي وسبتيني" من كلمات أمير طعيمة، ألحان محمود العسيلي وإيهاب عبد الواحد، توزيع ومكس وماستر علي فتح الله.
وجاءت كلمات أغنية "مشيتي وسبتيني" على النحو الآتي:
فاكرة لما كنا أنا وأنتي لسه صغيرين
لما كنا بنحلم يوم بنطول السحاب
واما كبرنا فجأة أنتي اتغيرتي مع السنين
لما احتجتك فجأة لقيت
كان بينا في خيط من أيدك اتساب
كنتي بتحبطيني بتقولي يعني هيعمل إيه
انت بجد ضعيف موهوم وهتفوق في يوم
واتقلبت الايه ووصلت للي حلمت بيه
شوفي بقى أنا فين وأنتي فين
ودلوقتي مين يندم على مين
ومشيتي وسبتيني دلوقتي أنتي رجعالي ليه
الحلم اللي تعبت ابنيه مش هتعيشي فيه
ومشيتي وسبتيني دلوقتي أنتي عايزاني ليه
مش ده اللي أنتي قللتي منه ومن حلمه واستهترتي بيه
الدنيا دي بحالات طايره بجناحات
تخسف بيك الأرض ساعة وتعليك ساعات
واللي برخص باعك بيعود بلاش
واللي وقت ما تعلى جالك اعتبره مجاش
ومشيتي وسبتيني دلوقتي أنتي رجعالي ليه
الحلم اللي تعبت ابنيه مش هتعيشي فيه
ومشيتي وسبتيني دلوقتي أنتي عايزاني ليه
مش ده اللي أنتي قللتي منه ومن حلمه واستهترتي بيه
يذكر أن آخر أغاني الفنان محمود العسيلي كانت أغنية "زعلان مني يا شتا ليه"، وهي من كلمات فلبينو وألحان محمود العسيلي وتوزيع وميكس وماستر علي فتح الله.