أول تعليق من علي معلول بعد قيده في قائمة الأهلي

قال الدولي التونسي علي معلول إنه مستمر مع النادي الأهلي بعد قيده في قائمة الفريق المحلية والإفريقية، مشيرا إلى أنه سيقدم كل ما لديه حتى يعود إلى مستواه مرة أخرى بعد عودته من الإصابة.

وقال معلول خلال لقائه في برنامج "حارس الأهلي"، مع الإعلامي أحمد شوبير، المذاع عبر شاشة الأهلي: "إن شاء الله من النهاردة علي معلول مكمل مع النادي الأهلي وإن شاء الله تكون دي بداية جديدة وأنا اوعدكم إن أنتوا هتشوفوا علي معلول بتاع زمان وأكون عند حسن ظنكم وارجع والبس تيشيرت النادي الأهلي من جديد لسنين طويلة".

أوضح: "مكنش عندي قلق، كان عند أهلي من الكلام اللي بيتقال أنه خلاص كبر، لكن أنا كنت متأكد أن ربنا مش هيخذلي بعد تعب 8 شهور ومن حب الجماهير ووقوفهم جنبي".

كما نفى علي معلول وجود خلاف بينه وبين مدرب الأهلي قائلا: "أنا مستغرب من الكلام اللي بيتقال، علاقتي مع المدرب علاقه كويسة جدا طول السنتين مبطلعش من الملعب، والمعاملة بيني وبينه برا الملعب كويسة مفيش بيني وبينه مشاكل ولا أي حاجة بنسلم ونضحك على بعض مستغرب من الكلام اللي بيطلع".