محمود سعد: "اروح لمين" نوع من الغنا غريب على أم كلثوم
كشف الإعلامي محمود سعد عن كواليس أغنية "اروح لمين" لكوكب الشرق أم كلثوم.
قال "سعد" في مقطع فيديو عبر حسابه الشخصي على موقع تبادل الصور والفيديوهات إنستجرام: "أغنية "اروح لمين" كان كاتبها عبد المنعم السباعي، كان كاتبها لـ مديحة يسري، اللي حكيت لي الحكاية دي الست غنيمة اللي هي مديحة يسري، أم كلثوم قالت لها يا بت يا مديحة الراجل دايب فيكي عبد المنعم السباعي وبيحبك قوي، قالت لها الله طب واعمل ايه في فوزي! أنا متجوزة يا ثومة، وكانوا يضحكوا ويهزروا وفضل عبد المنعم السباعي يحب مديحة يسري، واتطلقت من فوزي واتجوزت حد تاني".
نرشح لك: رمضان 2025.. رانيا فريد شوقي تشارك مي كساب بطولة "نون النسوة"
أشار: "اروح لمين كانت نوع من الغنا غريب جدا على أم كلثوم، ده أداء مختلف، هنا عظمة الست دي أنها في أواخر الخمسينات وأوائل الستينات بدأت تدرك أنه فيه غنا تاني، فعملت اروح لمين والحب كده، وعملت مع بليغ حب إيه، ده غنا مختلف".
تابع: "هسيبك للزمن ده إحنا معلش يعني فارشين ملاية، بتقوله في الآخر.. هو ده الفنان اللي يدرك أنه لازم يتغير ويتطور، هتلاقيها في العشرينات والتلاتينات بتغني، ثم بتختلف، هو ده المخ النضيف".