بسمة بوسيل: كنت فاهمة الحب غلط
قالت الفنانة بسمة بوسيل، إنه من الصعب أن تثق في أي شخص، مشيرة إلى أنها كانت تفهم الحب بشكل خاطئ، وأنه يدمر المرأة.
أضافت "بوسيل" خلال لقائها في برنامج "عندي سؤال" المذاع عبر شاشة "المشهد": "أنا كنت فاهمة كل حاجة عن الحب غلط، زي أن الست لازم تسمع كلام جوزها في كل حاجة وتلغي شخصيتها.. أنا كنت عارفة شغفي من وأنا صغيرة وقررت إني عايزة أبقى في البيت وبعمل كل حاجة للزوج".
نرشح لك: المسيح عليه السلام.. أندرو محسن ينتقد فيلم "أهل الكهف" بسبب هذه الجملة
تابعت: "كنت مبسوطة في الأول وبعد كام سنة بدأت أبقى مش مبسوطة علشان كنت بلاقي نفسي طول الوقت لوحدي بحكم طريقة الشغل والمشاكل اللي بدأت تحصل".
أشارت: "صعب أوي تاخد الثقة بتاعتي بس لو خدتها وكسرتها مصيبة، ولما جيت مصر فضلت تتكسر.. بس كلمة حق في مصر ناس علمتني حاجات، الناس اللي وقفت جنبي وطلعوا جدعان معايا وبيحبوني مش هما اللي الناس بتشوفهم كل الناس القريبة مني كانوا بيعملوا كده عشان مصلحة".
في سياق آخر، كشف الفنان تامر حسني عن محاولات عودته لزوجته السابقة بسمة بوسيل. مشيرا إلى وجود بعض التدخلات من الأصدقاء لإنهاء الخلافات بينهما.
قال "حسني" عبر حسابه على موقع تبادل الصور والفيديوهات "إنستجرام": "لو في أي تردد كلام عن محاولات رجوعي لبسمة فهي مش إشاعات، وبالفعل في أولاد حلال بيحاولوا يصلحوا الموضوع بينا، وكتر ألف خيرهم وربنا يقدم اللي فيه الخير لينا".