بعد الهجوم عليها.. آية سماحة تحذف البوست المثير للجدل
إسراء إبراهيم
تعرضت الفنانة آية سماحة، لانتقادات حادة من الجمهور، بسبب حارس الأسد في حديقة حيوان الفيوم. وذلك بعد تبريرها قتل الأسد للحارس.اضطرت "سماحة" لحذف المنشور التي كتبته عبر حسابها بموقع التواصل الاجتماعي "فيس بوك"، ونشرت آخر، جاء فيه: "أنا شيلت البوست بتاع الأسد والحارس.. علشان لو في واحد في المية احتمال أن ممكن يكون الكلام مش حقيقي أو الصورة غلط أو الموقف محكي بشكل غلط.. (لو حصل ربنا ينتقم منه ومن اللي زيه.. لو محصلش ربنا يسامحه ويغفرله ويغفر لنا جميعا".
تابعت: "ولكن علي العموم.. أنا هفضل طول عمري ضد أي حد يأذي أي حيوان.. أو حتى مقتنع أن أذية الحيوان مش حاجة كبيرة وتستاهل الإعدام.. وعند ربنا أكيد العذاب أكبر، أو الناس اللي بتقول الإنسان أولى من الحيوان والكلام الغريب ده، ربنا أكرم الإنسان وفضله عن باقي خلقه علشان يحميهم ويهتم بيهم.. مش يعتبرهم مخلوقات بلا روح أو مشاعر".
نرشح لك: "عقبال كل اللي زيه".. هجوم على آية سماحة بسبب ضحية الأسد
اختتمت: "حسبي الله ونعم الوكيل في كل من كان سبب في أذى إنسان أو حيوان لا حول له أو قوة، ويجعلني سبب إني أقدر أساعد كل ضعيف أو محتاج.. إنسان أو حيوان".
كانت "سماحة" قد شاركت منشورا لأحد الأشخاص عبر موقع التواصل الاجتماعي "فيس بوك"، يوضح فيه أن الحارس الراحل كان يُخدر الشبل مقابل 100 جنيه، وما حدث للحارس من هجوم الأسد كان انتقاما منه.
علقت "سماحة" على المنشور، كاتبة: "ده أحسن حاجة أنه اتأكل.. يا رب عقبال كل اللي زيه، ربنا ينتقم منك". لتعود وتعدل البوست وتكتفي بجملة: "يا رب عقبال كل اللي زيه، ربنا ينتقم منكم".
لاقت آية سماحة هجوما عنيفا من المتابعين، لكنها كانت مصرة على رأيها وردت عليهم بحدة شديدة.