سبب استمرار محمود سعد في العمل بعد عمر الـ 60
كشف الإعلامي محمود سعد عن سبب استمراره في العمل بعد عمر الـ 60 وحتى بلوغه الـ 70 عاما حاليا.
قال "سعد" في مقطع فيديو عبر حسابه الشخصي على موقع تبادل الصور والفيديوهات إنستجرام: "زمان قولت هشتغل لحد ما يبقى عندي 60 سنة ثم عديت الـ 70 ولسه بشتغل، الأسباب هي إن عندي حاجة جزء من شخصيتي إنه طالما الله سبحانه وتعالى بيفتح لي أبواب، أنا اقفلها؟ فمقدرش أقول لا".
تابع: "إحنا شغلنا في ميزة، إن أنا بتطلب، بيطلبوني أعمل كذا، فيه يطلبوني في حاجات كتير فيها فلوس كتير بس متعجبنيش فأقول مش عايز، المرحلة دي كده وكل مراحل شغلي على فكرة.. بيطلبوني في شغل معقول وكويس، أقفل الباب؟ أبقى مجنون".
استكمل: "في حاجة بتبقى حلوة بالنسبة لوسائل التواصل الاجتماعي، إن لما الواحد بيحكي الحكايات وبعض الناس بتتأثر بيها، فده بالنسبة لي يعني.. الله! ده أنا بقيت مهم".
اختتم: "أيام التليفزيون مكنتش أعرف تأثير الناس باللي بقوله، إنما في التواصل الاجتماعي بقابل الناس في الشارع أو بيبعتولي رسايل".