كلمات أغنية "فوقنا خلاص" من مسلسل "إش إش"
طرحت الشركة المنتجة أغنية "فوقنا خلاص" وهي الأغنية الرسمية لمسلسل "إش إش" بطولة الفنانة مي عمر، والمقرر عرضه في رمضان 2025.
الأغنية من غناء 5 نجوم، هم عمر كمال وعبد الباسط حمودة وأحمد شيبة وحسن شاكوش ومحمود الليثي.
الأغنية كلمات كريم سامي، ألحان هيثم نبيل، وتوزيع موسيقي كلوبكس، وهندسة صوتية هاني محروس.
وجاءت كلمات الأغنية:
فوقنا خلاص من الخيبة
عالجنا العيبة
لاغينا الطيبة
رمينا الناس الكسر
قليلة الأصل
عديمة الهيبة
ليه نفتح بابنا لناقص
طب ما بناقص ناس خاينين
لو واحد جنبنا سالك أحسن من 100 بوشين
حط القلب قانونه
يا إما تصونه يا تاخدوا الوش
بطلنا عيون بصاصة تشوفنا بنعلى يقولوا إش إش
ماعدش بيبان متسابة لناس قلابة وناس متعابة
هنقدر في اللي يقدر أو هنفلتر أي خيابة
عايزين ناس مظبوطة في وقت الجد مايكسفوناش
مش بلالين محطوطة في شدة تفرقع مانشوفهاش
ياما صدرنا شهامة وجت بندامة وحرقة دم
يبقى ليه ندفع تاني في بيعة خسرانة تجيب الغم
كان مطرب المهرجانات عمر كمال، قد أعلن عن مشاركته ضمن 5 مطربين في غناء أغنية "فوقنا خلاص"، من مسلسل "إش إش"، بطولة الفنانة مي عمر والمقرر عرضه في موسم رمضان 2025.
وكتب "كمال" عبر حسابه على "فيس بوك": "عبد الباسط حمودة، محمود الليثى أحمد شيبة، حسن شاكوش، عمر كمال.. أغنية (فوقنا خلاص) من مسلسل (إش إش) بطولة النجمة مي عمر إخراج العالمي محمد سامي".
مسلسل "إش إش" من تأليف وإخراج محمد سامي، ويشارك في بطولته بجانب مي عمر، كلا من ماجد المصري، هالة صدقي، إدوارد، دينا، شيماء سيف، محمد الشرنوبي، طارق النهري، وانتصار، وأبرز ضيوف الشرف، خالد الصاوي، محمد ممدوح، وكريم فهمي.