كلمات أغنية "طظ فيك" لـ سماء إبراهيم
طرحت الفنانة سماء إبراهيم أحدث أغنياتها بعنوان "طظ فيك"، عبر جميع المنصات الموسيقية، تزامنًا مع احتفالات عيد الحب.
أغنية "طظ فيك" من كلمات وألحان سماء إبراهيم، ويشارك في العمل كل من وائل السيد في التوزيع والعزف على الأكورديون، وكريم حسام في المكساج وعزف الجيتار، كما يتضمن مقدمة صوتية بصوت الإعلامي يوسف الحسيني.
وجاءت كلمات أغنية "طظ فيك" على النحو الآتي:
طظ فيك
يا اللي أنت شاغلني بيك
طز فيك
أقل حاجة أقولها ليك
تشغلني بيك وتقول ليّ نجمة في السما
أجري عليك ألاقيك مطنش مش هنا
طب قُلت ليه إني السعادة والهنا
والكون براحه بيحلى بس بيا أنا
وأن الشقاوة اللي في عيوني
بتشغلك وبتبهرك وبتسحرك
وبتسعدك وبتوعدك بالفرح ميت مليون سنة
بلاقي منك كل مرة صفحتين
صفحة بيضا فيها فرح وساعات حنين
وصفحة تانية مشخبطة و ملغبطة
ومليانه خوف من اللي فات والذكريات
والذكريات تخلق سكات بين القلوب ولما ادوب
الاقي انك راجع لنقطة صفر
ولا حتى همك فين أنا.. مين أنا
مش فاهمه حاجة مت اللي فات
وتقول لي فات الوقت فات
خلينا هنا في الحتة دي
لا هي قرب ولا سكات
طب عامل ليه انك معايا
وأنه ايه فاهم الحكايه
وإني حاجة مهمة ليك
بس مستني البداية
والبداية مبتبتديش
أنا فاهمة أنك مش فاهمني
وشايفة خوفك من اللي فات
بس جرب يقوم تقولي
وأنت تلقى المعجزات
طظ فيك يعني بحبك
ياللي مشغول بالهروب
طظ فيك وفي ضحتك
وفي لغبطة قلبك بأدوب
طظ فيك
يا اللي أنت شاغلني بيك
طظ فيك
أقل حاجة أقولها ليك
طظ فيك
يذكر أن الفنانة سماء إبراهيم في موسم رمضان 2025 من خلال مسلسل "قلبي ومفتاحه" بطولة آسر ياسين ومي عز الدين، بالإضافة إلى مسلسل "شهادة معاملة أطفال" من بطولة محمد هنيدي.