شاهد.. كليب "ع الرايق" لـ عنبة
طرح مطرب المهرجانات مصطفى عناب الشهير بـ"عنبة"، فيديو كليب جديد يحمل اسم "ع الرايق" عبر قناته الرسمية على موقع الفيديوهات الشهير "يوتيوب".
أغنية "ع الرايق" بصوت عنبة ومن كلمات حازم إكس وجريندي، توزيع أبو عبير، ومن إخراج إسلام ديماريا واتش.
نرشح لك: استمع.. أغنية "غبنا وغاب الإبداع والشغلانة لمت" لـ عصام صاصا
وجاءت كلمات أغنية "ع الرايق" على النحو الآتي:
على الأرض أنا فارد سيطرة
كله عالظبط وعلى المسطرة
تسأل عليا يقولولك محترم
يراجل
ماليش في الغلط
أنا ماشي في الدنيا بالحب
بس اللي يبعني بحطه في الشوب
وضعي يسمحلي يا زميلي أنا توب
عنب في وسط عالم كنتلوب
أنا ع الرايق وبعيش فالباقي ميشغلنيش
ماشي بوضع التطنيش رأيك فيا تحطه في نيش
أنا ع الرايق وتملي أنا عمري يا صحبي ماجلي
انا لولا وجودي وسطيكوا كانت باظت أوى يا زمولي
يا زمولي
لما تعوزني في حاجة تقولي
قبل أي كلام هو الحلو في سنة كام
هتقولهملي نيللي نيللي
هقولهم شيريهان شيريهان
ماشي بأسلوبي وملك حتتي
عم الشغلانة أصلها لعبتي
سابق بخطوة أنا عارف سكتي
المركز الأول يا مان أنا السيتي
على السكة يا ناس ع الدوغري
أنا واد مظبوط من صغري
مش بشغل نفسي بحاجة
مشتري دماغي طول عمري
طب جيتوا ويا ريتكو ما جيتوا
يا شباب شوكلاتة كتاكيتو
على فكرة قلوبكم سودة
أكتر من صامويل ايتو
أنا ع الرايق وبعيش
فالباقي ميشغلنيش
ماشي بوضع التطنيش
رأيك فيا تحطه في نيش
في سياق آخر، كشف مطرب المهرجانات عنبة عن أعماله الغنائية المقبلة، مشيرًا إلى أنه يستعد لطرح 6 أغاني مختلفة خلال الفترة المقبلة.
كتب "عنبة" عبر خاصية القصص القصيرة على حسابه الرسمي على موقع تبادل الصور والفيديوهات "إنستجرام": "معايا 6 تراكات.. هصور كليب منهم، وأنزل الباقي سناجل.. السنة دي بتاعتنا".
كما أوضح أسامي الأغاني التي من المنتظر طرحها قريبًا، وجاءوا على النحو التالي: أسد وخد على وشك وع الرايق وألف سلامة عليك وكاريزما ونسر.