أحمد العوضي يتحدث عن تجسيد دور الأب والابن في "فهد البطل"

علق الفنان أحمد العوضي عن فكرة تجسيده دور الأب والابن في مسلسل "فهد البطل" والمقرر عرضه في رمضان 2025.

قال "العوضي" في لقاء مع موقع بصراحة اللبناني: "مفكرتش في المقارنات لأني عندي شعبية كبيرة جدا، فالحاجات دي مابتخوفش، تاني حاجة إن أنا أبقى مركز إن الأب والابن هيتعمل مقارنة، لا أستاذ نور الشريف عملها بس إحنا مش بنذاكر تاريخ كويس.. كل جيلي مقلد الجيل اللي قبله لأنهم أساس الشغلانة".

تابع: "نور الشريف عملها في العطار والسبع بنات، وصلاح السعدني عملها في أرابيسك، ويحيى الفخراني عملها في المرسى والبحار".

استكمل: "كلنا مقتبسين من الجيل اللي قبلنا، لأن جيلنا اتربينا على ده، لكن مفيش حد في جيلي اخترع حاجة، أنا بقولهالك أهو لا أحمد ولا غيره، كل خد من اللي اتربى عليه، ومن هنا أنا مبخافش من المقارنات، مفيش مقارنات أصلا لأن أخواتي في ضهري كتير"

مسلسل فهد البطل من تأليف محمود حمدان، وإخراج محمد عبد السلام، وإنتاج شركة سينرجي، وتدور أحداثه في إطار درامي شعبي ممزوج بالطابع الصعيدي، يجسد أحمد العوضي شخصية فهد، وهو شاب صعيدي يضطر للهروب من عائلته بسبب الظلم الذي يتعرض له، لينتقل إلى القاهرة في محاولة لبناء حياة جديدة، لكنه يجد نفسه في مواجهات وصراعات لم تكن في الحسبان.

يضم مسلسل "فهد البطل" مجموعة من النجوم إلى جانب أحمد العوضي، أبرزهم: ميرنا نور الدين، أحمد عبد العزيز، محمود البزاوي، لوسي، كارولين عزمي، يارا السكري، عصام السقا، صفاء الطوخي، حجاج عبد العظيم، محسن منصور،حمزة العيلي.