شاهد.. أغنية "أنا مبدع" لـ محمد رجب من مسلسل "الحلانجي"
طرحت الشركة المنتجة أغنية "أنا مبدع" من مسلسل "الحلانجي" المقرر عرضه في رمضان 2025، للفنان محمد رجب.
الأغنية من كلمات وألحان مصطفى شكري وتوزيع شيندي وخليل.
وجاءت كلمات الأغنية كالتالي:
لو على السمعة وعلى الصيت
اسمي واصل في كل بيت
لساني حلو وعلشان حلو من كل حلو أنا اتحبيت
قاعدتي حلوة رايق أنا ومزاجنجي
كلمتي حلوة ومش كلامنجي
بكركبها وتاني ارتبها
مكتوب على باب بيتنا حلانجي
أنا مبدع
شاغل مخك فيك ومصدع
أنا مبدع
وأنت من جوة بتتقطع
علشان واجهة هيبة وتشريف
كاريزما عالية ودمي خفيف
كل ما بدخل أي مكان
تورم الايد من التسقيف
خاطف قلوب الناس ومهكر
وبين ايدي المر مسكر
خطر ولافت النظر
قايم قاعد فيا تفكر
واخد غلاف أخبار اليوم
وباللبناني قالوا مهضوم
من يومين فكرت اتمشى
قفلوا علشاني طريق الفيوم
طب على فكرة أنا مش كداب
طب على فكرة أنا مش فشار
بالحب كله عاملي حساب
وليا صورة في كل مطار
واخدها مشي لكن سباق
أخوك أصيل ومذاكر الاخلاق
من غير لعب واخد بطولات
معدي وموقف إشارات
مابسخنش رايق متهني
مفيش لسان مابيحكيش عني
الطبخة حلوة والكيميا عالية
كلمتي وازنة وطبتي غالية