رمضان 2025.. أحمد فهمي يوجه رسالة شكر لصناع مسلسل "في لحظة"
وجه الفنان أحمد فهمي رسالة شكر وتحية لكل أبطال وصناع مسلسله الجديد "في لحظة"، والمقرر عرضه ضمن الموسم الرمضاني 2025.
نشر "فهمي" عبر حسابه الرسمي على موقع التواصل الاجتماعي وتبادل الصور والفيديوهات "إنستجرام"، مقطع فيديو له وهو يغني أغنية تتر مسلسله "في لحظة"، والتي تحمل عنوان "فيك سر"، وعلق: "أولًا كل سنة وأنتوا طيبين ويارب رمضان يكون شهر الخير علينا كلنا يارب، مبسوط أني السنة دي بشارك في رمضان بمسلسل قريب جدًا من قلبي وهو مسلسل (في لحظة)".
تابع أنه يوجه الشكر لكافة صناع العمل، موضحًا: "عايز أشكر كل الفنانين والعاملين في المسلسل من أصغر حد لأكبر حد.. المنتجة الشاطرة الفاهمة أختي سالي والي، وأخويا الشاطر الفاهم صاحب الرؤية المختلفة واللي خلاني أتغير تمامًا وأعمل حاجات في المسلسل مختلفة عني، الأستاذ أحمد خالد.. المبدع الذكي الكاتب الكبير اللي مكنتش بحتاج شرح عشان نفهم بعض الأستاذ هشام هلال".
أشاد بموهبة الفنانة ميرنا نور الدين التي يجتمع معها لأول مرة في عمل فني، موضحًا: "أول مرة أشتغل أنا وميرنا نور الدين وحقيقي ممثلة شاطرة ومجتهدة وذكية وبتحب شغلها والكيميا بينا إن شاء الله تحسوها، مبسوط أننا بنشتغل سوا السنة دي.. نجلاء بدر بجد ممثلة مبدعة ودورها صعب جدًا بس عشان شاطرة عملته بطريقة ممتعة وسهلة بدون أي تصنع".
أشار إلى أنه يجتمع مع إدوار بعد سنوات من فيلم "خليج نعمة"، موضحًا: "إدوارد أخويا اللي بجد السنة دي مختلف تمامًا عن أي حاجة عملها قبل كده ومبسوط أننا بنشتغل سوا من بعد (خليج نعمة)، وفي بقى مجموعة من الممثلين اللي بجد كنت منبهر بالموهبة والشطارة وبجد مبدعين مين هما بقى؟ (أحمد ماجد - سارة الشامي - يوسف عثمان - جالا هشام - يوسف وهبي - آيسل - ملك بدوي- بتول حداد - سالي فتاح)، والأستاذة الكبيرة العظيمة صفاء الطوخي، وطبعًا أخويا اللي اتشرفت بوجوده نور محمود".
أضاف: "أختي الشاطرة الستايلست الجامدة ندى حسام، ورجالة الإنتاج الجامدين أوي مصطفي غازولي وعلي علام وأسامة وياسين، وأخواتي اللي في ضهري شريف ومحمد وأحمد وزيزو وأحمد وغرام، وأخيرًا عايز أشكر مدير التصوير البوب اللي عامل صورة مش طبييعة، على الحلاوة والشطارة.. ربنا يكرمنا والمسلسل يعجبكوا".
مسلسل "في لحظة" هو أحدث أعمال"Tod" الأصلية، وتنتجه شركة "S Productions" لسالي والي، وهو من بطولة أحمد فهمي، وميرنا نور الدين، نجلاء بدر، إدوارد، صفاء الطوخي، نور محمود، أحمد ماجد، عماد رشاد، يوسف عثمان، جالا هشام، آيسل رمزي، سارة الشامي، يوسف وهبي، وتأليف هشام هلال وإخراج أحمد خالد.